काठमाडौ (हाम्रो खेलकुद) – छैठौं दि एक्सेलसियर कप अन्तर विद्यालय खेलकुद प्रतियोगिता फाइभ ए साइड जुनियर फुटबलमा न्यु जेनित र शिशु निकुञ्जले विजयी सुरुआत गरेका छन् । न्यु जेनितले अक्षरालाई ५–२ ले र शिशु निकुञ्जले ओम ज्ञान मन्दिरलाई ३–० ले पराजित गर्यो । अन्य खेलमा राजन मेमोरियलले त्रिरत्नलाई ५–३ र राजश्रीले किट्स लनिङलाई ७–० ले हरायो ।

अखिल नेपाल फुटबल संघका अध्यक्ष नरेन्द्र श्रेष्ठ, विद्यालय भलिबल कमिसनका उपाध्यक्ष युवराज श्रेष्ठ,आयोजक दि एक्सेलसियर स्कुलका प्रबन्ध निर्देशक राम बस्नेतले सयुक्त रुपमा प्रतियोगिताको उद्घाटन गरेका थिए । पुस १३ सम्म संचालन हुने प्रतियोगितामा फाइभ ए साइड ब्वाइज जुनियर र ब्वाइज दुवैमा अलग अलग प्रतिस्पर्धा हुनेछ । सिनियरमा २० र जुनियरमा १३ टोलीको सहभागिता रहनेछ ।

विद्यालय खेलकुद अन्तर्गत बास्केटबलमा ब्वाइज सुनियर र जुनियर तथा सिनियर गल्र्समा प्रतिस्पर्धा हुनेछ । ‘शिक्षा सगै खेलकुद’ भन्ने मुल उद्देश्यका साथ संचालन भएको प्रतियोगित बास्केलबमा ब्वाइजको जुनियरमा १६ र सिनियरमा १२ तथा सिनियर गल्र्समा १२ टोली रहेका छन् ।

मंगलवार भएको उद्घाटन खेलमा जुनियर ब्वाइजमा एक्सेलसियरले होलीभिजनलाई २६–९ को स्कोरमा हरायो । आयोजकको जितमा आयुष तामाङले सर्वाधिक १३ स्कोर गरे । जुनियर ब्वाईजमै पिपुल्सले बिएनएलाई २५–१८ स्कोरमा हरायो । विजयी टोलीका अजय घले २१ स्कोर गरे ।

स्वयम्भु स्थित दि एक्सेलसियर स्कुलमा भएको प्रतियोगिताको सिनियर गल्सतर्फ ग्यालेक्सिले रुपिजलाई २०–४ ले पराजित गर्यो । ग्यालेक्सिको जितमा बिनिता पन्तले ७ स्कोर गरिन् । गल्र्सकै अर्को खेलमा स्किब्सले काब्यलाई २४–२० ले हरायो । स्कब्सको जितमा देभ्युना केसी र अप्सरा पौडेलले समान १० स्कोर गरे ।