काठमाडौं (हाम्रो खेलकुद)– झापा महेशपुरको मोरान मेमोरिअल स्कुल र लुभूको नेपाल डन बोस्को २२ औं फादर मोरान मेमोरियल फुटबल प्रतियोगिताको क्वार्टरफाइनलमा पुगेका छन् । त्यस्तै लिटिल एन्जेल्स र सेन्ट जेभियर्स जावलाखेल पनि समूह एबाट अन्तिम आठमा पुगेका छन् ।

आज १–१ को बराबरी खेलेपछि मोरान समूह सीको विजेता र डन बास्को उपविजेता रुपमा अघिल्लो चरण पुगेको हो । मोरानका लागि गंगाराम राजवंशीले २३ औं मिनेटमा गोल गरे भने डन बोस्कोका लागि युनिक मणी रिजालले २५ औं मिनेटमा बराबरी गोल गरेका थिए । मोराका बुधहरि हास्ता म्यान अफ दी म्याच चुनिए ।

समूह एबाट विजेता बन्दै लिटिल एन्जल्स र उपविजेताका रुपमा सेन्ट जेभिर्यस जावलाखे अन्तिम आठमा पुगे । अर्को खेलमा सेन्ट जेभियर्स जावलाखेलले काभ्रेको काठमाडौं विश्वविद्यालय हाई स्कुललाई १–० ले हरायो । दोस्रो मिनेटमा आराभ सम्राट हाडाले गरेको गोल नै खेलको निर्णायक बनेको थियो । विजयी टोलीका सुसिम बेन्जु श्रेष्ठ म्यान अफ दी म्याच चुनिए ।

आजको अन्तिम खेलमा ललितपुरका लिटिल एन्जेल्सले बुद्धनगरको रोजबर्डलाई ७–० ले पराजित गर्यो । लक्ष्य महर्जनले ह्याट्रिक गरेको खेलमा भार्गव सिलवालले २, जोसुवा बुढाथोकीले १ गोल गरे भने अर्को एक गोल आत्मघाती भएको थियो । लिलिट एन्जेल्सका भार्गव म्यान अफ दी म्याच घोषित भएका थिए ।