काठमाडौं (हाम्रो खेलकुद) – नेपाली टोली साफ यू–१५ साफ महिला फुटबल प्रतियोगितामा भाग लिन आज बंगलादेश आइपुगेको पुगेको छ । बंगलादेशको ढाकामा आइतबार सुरु हुने प्रतियोगिताका लागि नेपाली टोली आज त्यसतर्फ प्रस्थान गरेको थियो ।

ढाका विमानस्थलमा नेपाली यू १५ महिला फुटबल टोली । तस्बिर सौजन्य- नेपाल खेलकुद पत्रकार मञ्च

नेपाली टोलीलाई बंगलादेश फुटबल संघका पदाधिकारीले विमानस्थलमा स्वागत गरेका थिए । टोली स्थानिय समय अनुसार साँझ ८ः०० बजे होटल पुगेको थियो । नेपाल र आयोजक बंगलादेशबीच सोमबार पहिलो खेल हुनेछ । नेपाली टोलीले शनिबार दिउँसो अभ्यास गर्ने बताइएको छ ।

बंगलादेश उड्नुअघि त्रिभुवन अन्तर्राष्ट्रिय विमानस्थलमा नेपाली महिला यू १५ टोली ।

बंगलादेश प्रस्थान गर्नुअघि विदाईका क्रममा नेपाली टोली ।

 नेपालले डिसेम्बर १९ मा भारतको सामना गर्नेछ । त्यसको दुई दिनपछि अर्को खेलमा नेपालले भुटानसँग प्रतिस्पर्धा गर्नेछ । प्रतियोगितामा आयोजक बंगलादेशसहित नेपाल, भारत र भुटानको सहभागिता रहेको छ । भारत र भुटानी टोली पनि प्रतियोगितामा भाग लिन बंगलादेश पुगिसकेको छ । समूहको शीर्ष दुई टोलीले उपाधिका लागि डिसेम्वर २४ तारिखमा प्रतिस्पर्धा गर्नेछन् ।

नेपाली महिला टोली
१.करिना धिमाल
२. बितिशा राजवंशी
३. पुष्पा गुरुङ
४. सरिश्मा थापा
५.मनमाया विके
६. सुष्मा राई
७.सुरक्षा सिंह
८. सरस्वती हमाल
९. प्रिति राई
१०. अश्मिता चौधरी
११. मुना मगर
१२. निकिता थोकर
१३. सविता रानामगर
१४. सुष्मा जिटी
१५. अन्जली चन्द
१६. अस्मिता रानपाल (दर्जी)
१७. निकिता धिमाल
१८. सुप्रिया रजक
१९. रिया बानु
२०. अस्मिता गुरुङ
मुख्य प्रशिक्षकः गंगा गुरुङ
सहायक प्रशिक्षकः पारस चौधरी
गोलरक्षक प्रशिक्षकः विनोद महर्जन