जिदानको गोलमा पुष्पान्जलीको जित

काठमाडौं (हाम्रो खेलकुद)– ललिपुर लुभूको नेपाल डन बोस्को, झापा महेशपुरको मोरान मेमोरिअल र गोदावरी टौखेलको पुष्पान्जली मावि २२ औं फादर मोरान मेमोरियल फुटबल प्रतियोगितामा बिहीबार विजयी भएका छन् ।

गोदावरीको सेन्ट जुभियर्सको आयोजनामा जारी प्रतियोगितामा नेपाल डन बोस्कोले आयोजक सेन्ट जेभियर्सको बीलाई ४–० ले हराएको थियो । डन बोस्कोका लागि विशम श्रेष्ठ, अमोग अवाले, युनिक मणी रिजालले गोल गरे । युनिश आलले आत्मघाती गोल गरेका थिए । विजयी टोलीका निश्चल केसी म्यान अफ दी म्याच चुनिए ।

अर्को खेलमा मोरानले सेन्ट जेभियर्स जावलाखेबीलाई ९–० ले पराजित गर्यो । मोरानका युवराज राजवंशीले ४ गोल, गंगाराम राजवंशील २ तथा बुधराई हस्दाले १ गोल गरे । सेन्टि जेभियर्सका खेलाडीले २ गोल आत्मघाती गरे । मोरानका युवराज खेलेको म्यान अफ दी म्याच घोषित भए ।

अन्तिम खेलमा पुष्पान्जलीले ललिपुरका बाडेगाँउको ज्वालादेवी विद्या मन्दिरलाई १–० ले हरायो । जिदान पाण्डेको खेलमा पुष्पान्जली विजयी भएको थियो । जिदानलाई खेलको म्यान अफ दी म्याच चुनिएको थिए ।