7 years ago
December 13, 2017
काठमाडौं (हाम्रो खेलकुद)– नेपाली राष्ट्रिय फुटबल टोलीका नम्बर १ गोलकिपर किरण चेम्जोङको माल्दिभियन क्लब टिसी स्पोर्टस् प्रेसिडेन्ट्स कपको फाइनलमा पुगेको छ । माजियालाई गए राति २–० ले हराउँदै टिसी स्पोर्टस् उपाधि नजिक पुगेको हो ।
शुक्रबार हुने फाइनलमा सिजनको सर्वाधिक सफल टोली न्यू रेडियन्टको सामना गर्नेछ । गए राति इसा इल्माग्रेबीको गोलमा टिसीले १२ औं मिनेटमा खेलमा अग्रता लिएको थियो । पहिलो हाफअघि नै खाली गामलले गोल गर्दै टिसी स्पोर्टस्को जित निश्चित गरेका थिए ।
माजिया बलियो टोली भएपनि यो सिजन कुनै सफलता पाउन नसकेको जनाउँदै किरणले हाम्रो खेलकुद डटकमसँग भने, ‘उनीहरुको तुलनामा हाम्रा टोलीको लगानी कम भएपनि यो वर्ष उच्च प्रदर्शन गर्न सफल भएको छ । सेमिफाइनल पनि निकै प्रतिस्पर्धात्मक रह्यो । आशा छ सिजनको अन्त्य उपाधि जितेर गर्नेछौं ।’
न्यू रेडियन्टसँग यो सिजनका सबै ६ खेल पराजित भएको थियो । माले लिग र धिवेही प्रिमियर लिग (डिपिएल) का गरि ४ लिग खेल र दुई वटा नकआउट खेलमा टिसी स्पोर्टस न्यू रेडियन्ट सँग पराजित भएको थियो ।
डिपिएलको विजेता समेत रहेको न्यू रेडियन्टले टिसी स्पोर्टसलाई प्रेसिडेन्ट्स कपको पहिलो सेमिफाइनल र एफए कपको फाइनल दुवैमा पेनाल्टी सुट आउटमा पराजित भएको थियो ।
प्रेसिडेन्ट्स कप माल्दिभियन फुटबलमा यो सिजनको अन्तिम प्रतियोगिता हो । किरणले माल्दिभ्समा उच्च प्रदर्शन गर्दै आएका छन् ।
उनी माल्दिभ्स फुटबल अवार्डको दोहोरो मनोनयनमा परेका छन् । उनी उत्कृष्ट विदेशी खेलाडी र उत्कृष्ट गोलकिपरको मनोनयनमा परेका थिए । अवार्ड विजेताको घोषणा शनिबार हुनेछ ।
October 3, 2024
एजेन्सी – इङ्ग्लिस क्लब लिभरपुलले च्याम्पियन्स लिगमा लगातार दोस्रो जित दर्ता गरेको छ । घरेलु मैदान एनफिल्डमा बुधवार राति भएको खेलमा लिभरपुलले इटलीयन क्लब बोलोग्नालाई २-० ले पराजित गरेको हो । लिभरपुलको जितमा म्याक एलिस्टर र मोहम्मद सलाहले गोल गरेका थिए । एलिस्टरले ११औं मिनेटमा गोल गर्दै टोलीलाई सुरुवाती अग्रता दिलाएका थिए । सलाहले ६५औं […]
October 3, 2024
एजेन्सी – स्पेनिस क्लब रियल म्याड्रिड च्याम्पियन लिगमा पराजित भएको छ। साविक विजेता रियल बुधवार फ्रान्सेली टोली लिएसँग १-० लेपराजित भएको हो। जोनाथन डेभिडले पहिलो हाफको इन्ज्युरी समयको दोस्रो मिनेटमा गरेको गोल नै खेलको निर्णायक बनेको थियो। दोस्रो खेलमा लिलको यो पहिलो जित हो भने रियलको पहिलो हार हो। दुवैको समान ३ अंक छ।
October 2, 2024
सुमन अधिकारी, बुटवल लिस्नु युवा क्लब रुपन्देहीमा जारी ३६ औं झरना रनिङशिल्ड फुटबल प्रतियोगिताको फाइनलमा प्रवेश गरेको छ । जनज्योती क्लब, डिगरनगरलाई २-० ले पराजित गर्दै लिस्नु उपाधि नजिक पुगेको हो । स्वर्गिय खगी गुरुङसेनीको पुण्य स्मृतिमा जारी प्रतियोगिता अन्तरगत कुन्जलापुरस्थित फुटबल मैदानमा बुधवार भएको खेलको ३८ औं मिनेटमा लिस्नुका सुशील राईले गोल गर्दै टोलीलाई […]