पेरिस (एजेन्सी)– पेरिस सेन्ट जर्मेन (पिएसजी) का पूर्व खेलाडी नेनेले नेयमारलाई बार्सिलोना छोड्न सल्लाह दिने मध्ये आफु पनि एक रहेको बताएका छन् । पिएसजीले २ सय मिलियन युरो सुरुवा शर्त रकम तिरेर नेयमारलाई बार्सिलोनाबाट भित्राएको थियो ।

नेयमार विश्वको उत्कृष्ट खेलाडी बन्न चाहन्थे । तर, त्यसका लागि बार्सिलोनामा लियोनय मेस्सीको छायाँमा बसेर सम्भव नदेखेपनि उनीले पिएसजी रोजेको धेरैको बुझाई छ । नेयमारको अग्रपक्तिको मोर्चा सम्हालेको अवस्थामा पिएसजीले पहिलो पटक च्याम्पियन्स लिग जित्ने इतिहास निर्माण गर्न सक्ने सम्भावना रहेको नेनेको विश्वास छ । जसले नेयमारलाई पनि पिएसजी जान प्रेरित गरेको अनुमान गरिन्छ ।

‘हाम्रो बीचमा फोनमा कुराकानी भएको थियो ’ उनले भने, ‘मैले उनलाई भनेको थिए, तिमिले बार्सिलोनामा राम्रै गरिरहेका छौं । तर, तिमिले त्यहाँ सबै उपलब्ध हासिल गर्न सकेका छैनौं । यदि तिमि पिएसजी गयौं भने सोच टोली त्यहि स्तरको प्रदर्शन गर्न सक्छौं ।’

नेयमार पछिल्लो छ महिनादेखि पिएसजीमा उच्च प्रदर्शन गरिरहेका छन् । तर उनी अर्को सिजन रियल म्याड्रिड जान सक्ने सम्भावना रहेको पनि बताइएको छ । तर, नेनेलाई लाग्छ च्याम्पियन्स लिग जित्ने चुनौति स्वीकार गर्नका लागि पनि नेयमार पिएसजीमै रहनुपर्ने मान्दछन् । पाँच पटक बालोन डी ओर विजेता क्रिस्टियानो रोनाल्डोको छायाँमा रहन नेयमार रियल जान तयार नहुने उनको विश्वास छ ।