लण्डन (एजेन्सी) – प्रिमियर लिग अन्तर्गत आज साविक विजेता चेल्सी वेस्ट ह्याम युनाइटेडको सामना गर्दै छ । वेस्ट ह्यामको घरेलु मैदानमा खेलिने सो खेल नेपाली समय अनुसार ६.१५ बजे सुरु हुने छ ।

चेल्सीका लागि डिफेन्डर डेभिड लुइज टोलीमा सामेल छैनन् भने ड्यानि ड्रिन्कवाटर पनि पूर्ण फिट छैनन् । त्यस्तै मध्यसाता च्याम्पियन्स लिगमा विश्राम पाएका मार्कोस अलोन्सो भने टोलीमा फर्कँदै छन् ।

घरेलु टोलीका लागि गोलकिपर एड्रियनले जो हार्टको स्थान लिने देखिन्छ भने चिचारिटो र मार्क नोबलले पनि टोलीमा आगमन गर्न सक्ने छन् । १५ खेलमा केवल १० अंकसहित वेस्ट ह्याम १९ औं स्थानमा छ । लयमा देखिएको चेल्सी भने ३२ अंकसहित तेस्रोमा रहेको छ ।

यसैगरी खराब लयबाट गुज्रिरहेको टोटनह्याम आज ८.४५ बजे स्टोक सिटीको सामना गर्ने छ । टोटनह्यामका लागि डिफेन्डर डेभिड्सन सान्चेज प्रतिबन्धित छन् भने स्टोकका गोलकिपर ज्याक बट्ल्यान्ड चोटबाट फर्किँदै छन् ।

प्रिमियर लिगमा आज खेलिने अन्य खेलहरुको तालिका:

स्वान्सि विरुद्ध वेस्ट ह्याम – ८.४५ बजे

बर्नली विरुद्ध वाटफोर्ड – ८.४५ बजे

हडर्सफिल्ड विरुद्ध ब्राइटन – ८.४५ बजे

क्रिस्टल प्यालेस विरुद्ध बोर्नमथ – ८.४५ बजे

न्युकासल विरुद्ध लेस्टर सिटी – ११.१५ बजे