मस्को (एजेन्सी) – अर्काे वर्ष रुसमा आयोजना हुने रसिया विश्वकप फुटबल प्रतियोगिताको ड्र आज (शुक्रबार) हुदैछ । सन् २०१८ को जुन १४ देखि जुलाई १५ सम्म हुने २१ औं संस्करणको विश्वकपको ‘ड्र’ रुसको राजधानी मस्कोमा नेपाली समयअनुसार बेलुका सवा ८ बजे सुरु हुनेछ । रसिया विश्वकपको पोष्टर भने बुधबार नै सार्वजनिक भएको थियो ।

विश्वकपका लागि फिफाको ६ महादेशका २०९ राष्ट्रले विभिन्न चरणको छनोट चरण पार गर्दै ३२ टोलीको टुंगो लागेको हो । फिफाले ‘ड्र’ को लागि छनोट भएका ३२ राष्ट्रलाई ४ पटमा विभाजन गरेको छ । हरेक पटमा ८ टोलि रहेका छन् । ४ पटमा रहेका ३२ राष्ट्रलाई ‘ड्र’ बाट समूह चरणको लागि ८ समूहमा विभाजन गरिनेछ । हरेक समूहमा ४ टोली रहनेछन् । रुस विश्वकपमा यो पटक युरोपबाट १४ राष्ट्र छनोट हुँदा दक्षिण अमेरिका, एसिया र अफ्रिकाबाट समान ५–५ देश छनोट भएका छन् । उत्तर अमेरिकाबाट ३ टोलीले विश्वकपमा स्थान बनाए । यो पटक ओसियाना क्षेत्रबाट कुनै पनि टोलीले विश्वकपमा स्थान बनाउन सकेनन् ।

पट १ मा रहेका राष्ट्रहरु
रसिया, जर्मनी, ब्राजिल, पोर्चुगल, अर्जेन्टिना, बेल्जियम, पोल्याण्ड र फ्रान्स रहेका छन् ।

पट २ मा रहेका राष्ट्रहरु
स्पेन, पेरु, स्वीट्जरल्याण्ड, इंग्लयाण्ड, कोलम्विया, मेक्सिको, उरुग्वे र क्रोएसिया रहेका छन् ।

पट ३ मा रहेका राष्ट्रहरु
डेनमार्क, आइसल्याण्ड, कोष्टारिका, स्वीडेन, ट्युनिसिया, इजिप्ट, सेनेगल र इरान रहेका छन् ।

पट ४ मा रहेका राष्ट्रहरु
सर्विया, नाइजेरिया, अष्ट्रेलिया, जापान, मोरोक्को, पानमा, दक्षिण कोरिया र साउदी अरब रहेका छन् ।