म्याड्रिड (एजेन्सी)– यो डिसेम्बर महिना स्पेनिस महारथी रियल म्याड्रिडका लागि सिजनमा महत्वपूर्ण रहनेछ । सिजनको पहिलो उपाधि जित्ने सम्भावना देखि ला लिगाको शीर्षस्थानको टोलीसँग अंक दुरी छोट्टाउने अवसर रियलसँग छ । तर, टोली त्यसमा कति खरो उत्रन्छ, त्यो झनै महत्वपूर्ण हुनेछ । यो महिनाले रियलले ६ वटा खेल खेल्दैछ । जसमा ला लिगाका ३, च्याम्पियन्स लिगको १ र क्लब विश्व कपका २ खेल खेल्नुपर्नेछ ।

ला लिगाको शीर्षस्थानमा रहेको बार्सिलोना भन्दा ८ अंकले पछि रहेको रियल अंक तालिकाको चौथो स्थानमा छ । डिसेम्बरको सबै खेल जित्न सके रियलका लागि सकारात्मक उर्जा हुनेछ । १३ खेलमा ८ जित , ३ हार र २ बराबरी सहित ला लिगामा चौथो स्थानमा रहेको रियलले आइतबार एथलेटिक बिलबावोको सामना गर्नेछ । बिलबावोसँगका पछिल्लो १२ खेलमा ७ खेलमा मात्र जित हासिल गरेको थियो । त्यसैले डिसेम्बरको पहिलो चुनौती रियलले जितबाट सुरु गर्दै अघि बढ्नु पर्ने छ ।

त्यसपछि अर्को खेल च्याम्पियन्स लिगमा बोरुसिया डर्टमण्डको सामना गर्नेछ । तुलानात्मक रुपमा त्यो खेल कम महत्वको छ । अन्तिम १६ मा पुगि सकेको र समूह विजेता बन्ने सम्भावना समेत समाप्त भइसकेकाले रियलका लागि त्यो खेल खासै अर्थ राख्दैछ । त्यसको दुई दिन पछि रियलले सेभिल्लाको सामना गर्नेछ । गत सिजन रियलको ४० खेल निरन्तर जितको लयलाई तोडेको सेभिल्लासँग टोली शतर्क रहेको हुनुपर्दछ । सिभिल्लाको खेललाई मध्यनजर गर्दै प्रशिक्षक जिनेदिन जिदानले केही महत्वपूर्ण खेलाडीलाई विश्राम दिने निश्चिछ ।

त्यसपछि १३ डिसेम्बरमा च्याम्पियन्स लिगको साविक विजेता रियलले क्लब विश्व कपको सेमिफाइनल खेल्नेछ । डिसेम्बर १६ मा फाइनल अथवा तेस्रो स्थानका लागि खेल्नेछ । क्लब विश्वकपको उपाधि जित्दै २०१७ लाई सुखद विदाई दिने रियलको प्रयास पक्कै रहनेछ ।  डिसेम्बरमा रियलको अन्तिम खेलका रुपमा रहेको एल क्लासिको सबै भन्दा महत्वपूर्ण रहनेछ । जहाँ रियल र बार्सिलोनाबीच सिजनको पहिलो भिडन्त हुनेछ । ला लिगाको यस खेलमा शीर्षस्थानको बार्सिलोनासँग अंक दुरी घटाउने रियललाई त्यो राम्रो अवसर हो ।