किरणको टोली डिपिएलमा उपविजेता

काठमाडौं (हाम्रो खेलकुद) – नेपाली राष्ट्रिय टोलीका गोलकिपर किरण चेम्जोङको माल्दिभियन क्लब टिसी स्पोर्टस् ले दोस्रो स्थानमा रहँदै धिवेही प्रिमियर लिग (डिपिएल) को अन्त्य गरेको छ ।

फाइल तस्बिर

गत साता महत्वपूर्ण खेलमा न्यू रेडियन्टसँग ३–२ ले पराजित भएपछि टिसी स्पोर्टस् को उपाधि जित्ने सम्भावना टुंगिएको थियो । यद्दपी डिपिएलको आफ्नो अन्तिम खेलमा आइतबार ग्रिन स्ट्रिटलाई ४–१ ले हराउँदै टिसी स्पोर्टस् ले दोस्रो स्थान पक्का गरेको हो ।उपाधि विजेता न्यू रेडियन्टले १४ खेलमा १३ जित र १ हारसहित ३९ अंक जोडेको थियो ।

टिसी स्पोर्टले १० खेल जित्यो भने २ खेलमा बराबरी र २ खेलमा हार बेहोरेको थियो । पाँच महिनाअघि माले लिगबाट चौथो स्थानमा रहँदै किरणको टोली डिपिएलको लागि छनोट भएको थियो । किरण गत वर्ष पुसमा टिसी स्पोर्टसमा आवद्ध भएदेखि नै उनले उच्च प्रदर्शन गर्दै आएका थिए ।

क्लबमा सामेल भएको पहिलो नकआउट प्रतियोगिताका रुपमा बंगलादेशमा भएको शेख कमाल क्लब कपको उपाधि टोलीलाई दिलाउन किरणले महत्वपूर्ण भूमिका खेलका थिए । उक्त प्रतियोगितामा किरणले पूर्व क्लब लक्ष्मी हुन्डाई मनाङ मस्र्याङ्दीसँगको खेलमा म्यान अफ दी म्याच प्रदर्शन गरेका थिए ।