काठमाडौं (हाम्रो खेलकुद) – कोकाकोला कप अन्तर विद्यालय फुटबल प्रतियोगिताको उपाधि छात्रको बाल सिर्जनालय काडमाडौं र छात्राको दुर्गा देवी सेकेण्डरी स्कुल रौतहटले जितेको छन् ।

एन्फा कम्म्लेक्समा बिहीबार भएको फाइनल खेलमा एभरेष्ट स्कुललाई १–० ले हराउँदै सिर्जनालयले उपाधि जितेको हो । खेलको ७२ औं मिनेटमा आले मगरले गरेको गोल खेलको निर्णायक बनेको थियो ।

स्याङ्जाको भुम्रे माध्यमिक स्कुललाई ७–० को फराकिलो गोलअन्तरले पराजित गर्दै दुर्गा माविले उपाधि जितेको हो । दुर्गाका लागि निकिता थोकरले ह्याट्रिक सहित ४, रश्मी कुमार घिसिङले २ र दिलकुमारी राना मगरले १ गोल गरिन् ।
छात्रातर्फ सेतीदेवी सार्दाले श्री शंकर स्वरस्वती स्कुललाई पेनाल्टी सुटआउटममा ३–२ ले पराजित गर्दै तेस्रो स्थान हात पा¥यो । दुवै उपाधि विजेताले समान ३–३ लाख रुपैया प्राप्त गरे । दोस्रो हुने दुवै टिमले समान १–१ लाख तथा तेस्रो भएको दुवै टिमले ५०–५० हजार रुपैया प्राप्त गरे ।

छात्रातर्फ दुर्गादेवीकी निकिता थोकर उत्कृष्ट स्ट्राइकर घोषित भए । डिफेन्डरमा श्री शंकरकी सुरक्षा सिंह, मिडफिल्डरमा सेतिदेवीकी प्रिति राई, गोलकिपरमा भुम्रेकी सावित्री किशान घोषित भइन् । उत्कृष्ट प्रशिक्षकमा दुर्गा स्कुलका नोरराज काफ्ले घोषित भए । शंकर सरस्वती स्कुल अनुशाषित टिम चुनिए ।

यस्तै, छात्रतर्फको उत्कृष्ट गोलरक्षकमा बाल सिर्जनालयका सुरेश लामा, डिफेन्डरमा एभेरेष्ट स्कुलका आकाश श्रेष्ठ, मिडफिल्डरमा बाल सिर्जनालयका अनिल लामा, फरवार्डमा भानुभक्त मेमोरियलका एन्जल भण्डारी घोषित भए । उत्कृष्ट प्रशिक्षकमा बाल सिर्जनालयका अमर शेर्पा र अनुसाशित टिममा स्कोलर्स होम इंग्लिस बोर्डिङ स्कुल अनुशाषित टोली घोषित भयो ।