लन्डन (एजेन्सी)– सुपर स्टार लियोनल मेस्सी विनाको बार्सिलोना अकल्पनिय छ । तर उनको सिजनको अन्त्यसँगै बार्सिलोनासँगको सम्झौतापनि टुंगिदैछ । बार्सिलोना उनलाई नयाँ सम्झौताका लागि तयार पार्न पुरा कोसिसमा छ । तर त्यो सम्झौता हुने नहुने भविष्यले नै बताउनेछ । मेस्सी मात्र होइन अन्य चर्चित खेलाडीहरुपनि यसै सिजनको अन्त्यमा फ्रि एजेन्ट बन्दैछन् । कुनै समय चर्को मूल्यमा बिक्रि हुने यी खेलाडीहरु सिजनको समाप्तीसँगै सित्तैमा उपलब्ध हुनेछन् ।

मारियो बालोटेली (नीस)

म्यानचेस्टर सिटीमा युवा अवस्थामा चर्चामा रहेका बालोटेलीले दोस्रो पटक लिभरपुलबाट प्रिमियर लिगमा पाएको मौकाको सदुपयोग गर्न सकेनन् । खेल मैदान भन्दा बाहिर चर्चामा रहने इटालियन स्ट्राइकरले फ्रान्सेली क्लब नीसमा पुनः लय समातेका छन् । नीसमा ४२ खेलमा २६ गोल गरेका उनी सिजनको अन्त्यबाट त्यो क्लबसँगको उनको सम्झौता टुंगिनेछ । तसर्थ जनवरीमा उनको भविष्यको निर्णय हुने सम्भावना छ । बालोटेली पुन प्रिमियर लिगमा स्थापित हुँदै आलोचनालाई गलत पुष्टी गर्ने पक्षमा रहनेछन् ।

फ्रान्क रिबेरी (बायर्न म्युनिख)

बायर्न म्युनिखका रिबेरी यसै सिजन क्लबसँगको सम्झौताको अन्त्यमा पुग्दैछन् । ३४ वर्षे फ्रेन्च विंगर यो सिजन घुँडाको चोटको कारण मैदान बाहिर छन् । बायर्नसँग २२ उपाधि जितेका रिबेरी सिजनको अन्त्यमा फ्रि एजेन्ट हुनेछन् । बायर्नले नँया सम्झौताको प्रस्ताव नगरे युरोपका ठूला क्लब उनको पछि रहने निश्चित प्राय छ ।

आर्जेन रबेन (बायर्न म्युनिख)   

यो सिजनको अन्त्यमा बायर्नका अर्का विंगर रबेन पनि क्लबसँगको सम्झौताको अन्त्यमा पुग्दैछन् । जनवरीमा बायर्नसँग १ वर्षे सम्झौता नवीकरण गरेका रबेन सिजनको अन्त्यमा फ्रि एजेन्टको रुपमा उपलब्ध हुनेछन् ।

जियोर्जियो चिलिनी (युभेन्ट्स)

युभेन्ट्सका ३३ वर्षे सेन्टर डिफेन्डर चिलिनीको सिजनको अन्त्यसँग क्लबसँगको सम्झौता टुंगिनेछ । युभेन्ट्समा १२ सिजन र ४ सय ४७ खेलपछि फ्रि एजेन्ट बन्ने चिलिनीले अन्तर्राष्ट्रिय फुटबलबाट सन्यासको घोषणासँगै क्लब फुटबलमा अझ केहि सिजन खेल्ने निश्चित छ ।

लियोनल मेस्सी (बार्सिलोना)

मेस्सी सिजनको अन्त्यसँगै बार्सिलोनासँगको सम्झौताको अन्त्यमा पुग्दै छन् । विभिन्न श्रोतका अनुसार बार्सिलोना र मेस्सीबीच सम्झौता भैसकेपनि त्यसले औपचारिकता पाउन बाँकी रहने बताइएको छ । अर्जेन्टिनी स्ट्राइकर मेस्सीलाई गुमाउने दिने पक्षमा बार्सिलोनाले छैन । तसर्थ उनको र क्लबबीच नयाँ सम्झौता सार्वजनिक निकट रहेको बताइएको छ ।

सिजनको अन्त्यसँगै सम्झौता टुंगिने अन्य खेलाडीहरु  :  लियोन गोरेक्तजा (साल्के) , फाउजी घौलाम (नापोलि), हातेम बेन अर्फा (पिएसजी) , जोआ मौटिन्हो (मोनाको), जोसे मारिया गिमिनेज (एट्लेटिको म्याड्रिड),स्टेफेन डी भ्रिज (लाजियो)