काठमाडौं,( हाम्रो खेलकुद) – कोका कोला कप अन्तर स्कुल फुटबल प्रतियोगिताको अन्तिम चरणको पहिलो दिन सर्लाहिको एभरेष्ट एकेडेमी, सुनसरीको महेन्द्र मेमोरियल, काठमाडौंको बाल सृजनालय, नुवाकोटको अर्किड र काठमाडौंको गजुरमुखी विजयी भएका छन् ।

सातदोबाटोस्थित एन्फा कम्प्लेक्सले काठमाडौंको लक्ष्मीपुर इङ्लिस स्कुललाई ४–१ ले हराएको थिजयो । लक्ष्मीपुरले ३१ औं मिनेटमा रिप्सन श्रेष्ठको गोलमा लिएको अग्रतालाई जोगाउन सकेन । एभरेष्टका मदन स्याङ्तानले ४० औं मिनेटमा बराबरी गोल गरे भने सन्नीकुमार चौधरीले ४१ औं मिनेटमा गोल गर्दै टोलीलाई अग्रता दिलाए । रितिककुमार खड्काले ६१ औं र ६३ औं मिनेटमा गोल गरेपछि एभरेष्टको जित सम्भव भएको थियो ।

भरत चौधरीको ह्याट्रिकमा महेन्द्र मेमोरियलले कैलालीको सैनिक आवासिय महाविद्यालयलाई ४–१ ले हराएको थियो । नविन भट्टराईले तेस्रो मिनेटमा सैनिकलाई अग्रता दिलाए भने भरतले १८ र्औ मिनेटमा बराबरी गोल गरे । भरतले ३२ औं मिनेट र करण सुनुवारले ३४ औं मिनेटमा महेन्द्र मेमोरियलका लागि गोल थपे । भरतले ५८ औं मिनेटमा अर्को गोल गर्दै ह्याट्रिक पुरा गरे ।

प्रतिक आले मगर र अनिल लामाको गोलमा बाल सृजनालयको गोलमा दाङ मिड वेस्टर्न पुलिसलाई २–० ले पराजित गरेको थियो । सुयोग राउतको गोलमा अर्किड एकेडेमीले रुपन्देहीले स्कलर होम इङ्लिसलाई १–० पराजित गर्यो । पवन जिसी र रोहन धितालको गोलमा गजुरमुरीले मोरङको भानुक्तलाई २–० ले हराएको थियो ।

लिग कम नकआउटका आधारमा सञ्चालन हुने प्रतियोगिता मंसिर ८ गते सम्म चल्नेछ । छनोट चरण पार गरेको १३ टोलीले अन्तिम चरणमा प्रतिस्पर्धा गरिरहेका छन् । प्रतियोगिताको विजेताले ३ लाख, दोस्रो हुनेले १ लाख र तेस्रो हुने टोलीले ५० हजार रुपैयाँ प्राप्त गर्नेछन् ।