सेभिल (एजेन्सी) – गए रातिको अन्तर्राष्ट्रिय मैत्रीपूर्ण खेलअन्तर्गत विश्वकपका दाबेदार मानिएका दुई टोली जर्मनी र फ्रान्सले २-२ को बराबरी खेलेका छन् । फ्रान्सका लागि आर्सनलका स्ट्राइकर एलेक्जान्डर लाकाजेटले दुई गोल गरेका थिए ।

खेलको ३३ औं मिनेटमा म्यानचेस्टर युनाइटेडका फरवार्ड एन्थोनी मार्सियालले लाकाजेटलाई सुन्दर पास मिलाई दिएका थिए । त्यसको सदुपयोग गर्दै लाकाजेटले टोलीलाई अग्रता दिलाए । दोस्रो हाफको ५६ औं मिनेटमा भने जर्मनी खेलमा फर्किएको थिए । मेसुट ओजिलको आकर्षक पासमा उत्तिकै राम्रो फिनिस गर्दै जर्मनीका टिमो वेर्नरले स्कोर १-१ बनाएका थिए ।

खेलको ७१ औं मिनेटमा फ्रान्स फेरी एक पटक खेलमा अग्रता लिन सफल भयो । किलियन बाप्पेको पासमा लाकाजेटले गोल गर्दै टोलीलाई खेलमा दोस्रो पटक अग्रता दिलाएका थिए । तर खेलको अन्तिम मिनेटतिर ओजिल र मारियो गोट्चेले बनाएको मुभलाई परिवर्तित खेलाडि लार्स स्टिन्डलले गोलमा परिणत गर्दै खेल २-२ मा टुङ्ग्याएका थिए ।

त्यस्तै अन्य खेलमा डिफेन्डर सर्जियो रामोसको दुई पेनाल्टी गोलमार्फत स्पेनले रुससँग ३-३ को बराबरी खेल्यो भने म्यानचेस्टर युनाइटेडका स्ट्राइकर रोमेलु लुकाकुको निर्णायक गोलमा बेल्जियमले जापानलाई १-० ले हरायो । ब्राजिल र इङ्ग्ल्यान्डले भने गोलरहित बराबरी खेले ।

अन्य मैत्रीपूर्ण खेलहरुको नतिजा:

दक्षिण कोरिया १-१ सर्बिया

चीन ०-४ कोलम्बिया

कतार १-१ आइसल्यान्ड

स्लोभाकिया १-० नर्वे

रोमानिया ०-३ नेदरल्यान्ड्स

हंगेरी १-० कोस्टा रीका

अल्जेरिया ३-० सेन्ट्रल अफ्रिकन रिपब्लिक

अष्ट्रिया २-१ उरुग्वे

वेल्स १-१ पानामा

पोर्चुगल १-१ युएसए