7 years ago
November 14, 2017
लण्डन (एजेन्सी) – अन्तर्राष्ट्रिय मैत्रीपूर्ण खेलअन्तर्गत आज विश्व फुटबलका दुई बलिया राष्ट्र इङ्ग्ल्यान्ड र ब्राजिल एकआपसमा भिड्दै छन् । इङ्ग्ल्यान्डको वेम्ब्ली स्टेडियममा खेलिने सो खेल नेपाली समयअनुसार रातिको १.३० बजे सुरु हुने छ ।
इङ्ग्ल्यान्डले आफ्नो पछिल्लो मैत्रीपूर्ण खेलमा जर्मनीसँग गोलरहित बराबरी खेलेको थियो भने ब्राजिलले जापानलाई ३-१ ले हराएको थियो । यी दुईबीच खेलिएको सन् २०१३ को पछिल्लो खेल २-२ को बराबरीमा सकिएको थियो ।
इङ्ग्ल्यान्डका लागि थुप्रै खेलाडिहरु घाइते रहेका छन् । उसका मुख्य स्ट्राइकर ह्यारी केन तथा मिडफिल्डर डेले अल्ली र डिफेन्डर फिल जोन्स घाइते रहेका छन् । डिफेन्डर ग्यारी केहिल सामान्य घाइते रहे पनि यस खेलमा भने सुरु गर्न सक्ने छन् ।
त्यस्तै पछिल्लो खेलमा चोटका कारण ब्राजिलका फिलिप कौटिन्हो खेलेका थिएनन् । आज भने अग्रपंक्तिमा ग्याब्रियल जेसस र नेयमारलाई साथ दिन कौटिन्हो टोलीमा फर्किने देखिन्छ ।
यसै गरी विश्वकपको दाबेदार मानिएका अर्का दुई टोली जर्मनी र फ्रान्स पनि सोहि समयमा भिड्दै छन् । जर्मनीले इङ्ग्ल्यान्डसँगको खेलभन्दा फरक टोली खेलाउने देखिन्छ ।
फ्रान्सका लागि भने स्ट्राइकर ओलिभर जिरुड घाइते छन् । त्यसैले म्यानचेस्टर युनाइटेडका एन्थोनी मार्सियालले उनको ठाउँमा स्थान पाउन सक्छन् । फ्रान्सका गोलकिपर ह्युगो लोरिस पनि घाइते रहेका छन् ।
पछिल्लो मैत्रीपूर्ण खेलमा फ्रान्सले वेल्सलाई २-० ले हराएको थियो । फ्रान्स र जर्मनी बीच खेलिएको पछिल्लो दुई खेलमा दुवै खेल फ्रान्स २-० को अन्तरले विजयी रहेको थियो ।
January 12, 2025
हिमाल खरेल ,बिर्तामोड झापा ११ एफसीले भारतको सिक्किममा जारी १० औँ अल इन्डिया चिफ मिनिस्टर्स गोल्डकपमा विजयी सुरुवात गरेको छ । सिक्किमको जोरथाङ रंगशालामा आज भएको प्रतियोगितामा भारत पश्चिम बंगालको जिटिए दार्जिलिङलाई टाइब्रेकरमा हराउँदै झापा ११ क्वार्टर फाइनलमा प्रवेश गरेको हो । निर्धारित समयमा खेल १-१ गोलको बराबरीमा टुंगिएपछि निर्णयका लागि टाइब्रेकरको सहारा लिइएको थियो […]
January 12, 2025
सुमन अधिकारी,बुटवल रुपन्देहीको फर्साटिकरमा जारी शुद्धोधन गाउँपालिका १२ औं फर्साटिकर कप फुटबल प्रतियोगिताको सेमिफाइनल समीकरण पूरा भएको छ । अन्तिम क्वाटरफाइनलमा शनिवार बुटवलको गोर्खा ब्वाइज क्लबले भारत आसामको इन्टर नर्थ इष्ट एफसीलाई ५-१ ले हराएपछि सेमिफाइनल समीकरण पूरा भएको हो। गोर्खा ब्वाइजको जितमा फागुराम थारुले २, निशान्त न्यौपाने, सन्दीप केसी र मनिष तामाङले समान १ […]
January 12, 2025
एजेन्सी – जेम्स म्याकएटीको ह्याट्रिक सहयोगमा म्यानचेस्टर सिटीले एफए कपमा साल्फोर्ड एफसीविरुद्ध सानदार जित हात पारेको छ । शनिवार भएको तेस्रो चरणको खेलमा सिटीले ८-० को सानदार जित दर्ता गरेको हो । घरेलु मैदानमा सिटीलाई जित दिलाउन म्याकएटीले ह्याट्रिक गर्दा जेरिमी डोकुले २ तथा डिभाइन मोबामा, निको ओ राइली र ज्याक ग्रेलिसले समान १ गोल […]
