7 years ago
November 14, 2017
काठमाडौं (हाम्रो खेलकुद)– नेपालले घरेलु मैदानमा अर्को उच्च प्रदर्शन गर्ने क्रममा एएफसी एसियन कप छनोट चरणको खेलमा फिलिपिन्सलाई गोलरहित बराबरी रोकेको छ ।
चैतमा घरेलु मैदानमा भएको खेलमा फिलिपिन्सले नेपाललाई ४–१ ले हराएको थियो । चार वर्षअघि जोर्डनसँग भएको विश्व कप छनोटको पहिलो लेगमा ९–० को हार बेहोरेको नेपालले घरेलु मैदानमा १–१ को बराबरी गरेको थियो ।
यसपटक नेपाललाई हराउँदै अन्तिम खेलअघि नै फिलिपिन्स एसियन कपको अन्तिम चरणमा छनोट हुने दाउमा थियो । तर, नेपालले फिलिपिन्सका हरेक आक्रमणलाई निस्तेज पारेपछि टोलीले छनोटका लागि अन्तिम खेलसम्म कुर्नुपर्ने भएको छ । छनोट चरणबाट बाहिरिसकेको नेपालले पनि आफ्नो खातामा २ अंक जोडेको छ । यसअघि फिलिपिन्स र ताजकिस्तानसँग २ खेल हारेको नेपालले यमनसँग गोलरहित बराबरी खेल्दै पहिलो अंक जोडेको थियो ।
फिलिपिन्सविरुद्धको गोलरहित बराबरी जत्ति सम्झन लायक थियो, त्यति नै कप्तान अनिल गुरुङको अन्तिम खेलको रुपमा पनि स्मरणनिय रह्यो । दशक लामो अन्तर्राष्ट्रिय खेल जीवनलाई अनिलले विट मारेका छन् । ८१ औं मिनेटमा सुजल श्रेष्ठको ठाँउमा मैदान प्रवेश गर्दै अनिलले ५० क्याप पुरा गरेका थिए । सन् २००७ मा ओमानविरुद्ध विश्व कप छनोटको खेलमार्फत अनिलले राष्ट्रिय टोलीबाट डेब्यू गरेका थिए ।
खेलेको सुरुआतमा केही समय हावी जस्तो देखिएको नेपाल खेलअघि बढ्दा रक्षात्मक अवस्थामा पुगेको छ । त्यो खेलमा रातो कार्ड पाएका विक्रम लामा आज पहिलो रोजाइमा परेका छन् । अस्ट्रेलियाबाट बोलाइएका जगजित श्रेष्ठले खेल्ने मौका पाएनन् । हिजो प्रि म्याच कन्फ्रेन्समा जगजितलाई मुख्य प्रशिक्षक ग्यातुको कोजीले आफुले नबोलाएको भनेपछि उनको खेल्ने सम्भावना न्यून थियो । उनले जगजितका बारेमा एन्फालाई सोध्न भन्दै सञ्चारकर्मीलाई जवाफ दिएका थिए ।
जगजितले एन्फा अध्यक्ष नरेन्द्र श्रेष्ठले बलाएर आएको बताएका थिए । माल्दिभ्सबाट व्यावसायिक फुटबल खेल्दै आएका गोलकिपर किरण चेम्जोङ र इन्डोनेसियाको पर्सिजा जकार्ताबाट खेल्नै आएका रोहित चन्द भने पहिलो रोजाइमा थिए । त्यस्तै फिलिपिन्सविरुद्ध १ मात्र गोल गर्ने विशाल राई पनि पहिलो रोजाइमा अटाएका थिए । अहिले सम्म नेपालले छनोटमा ९ गोल खाएको छ भने २ गोल गर्न सकेको छ । अर्को गोल नेपालका लागि विमल घर्तीमगरले ताजकिस्तानविरुद्ध यहि सातदोबाटोको मैदानमा गरेका थिए ।आजको नतिजापछि फिलिपन्सको ९ अंक छ भने यमन र ताजकिस्तानको समान ६ अंक तथा नेपालको २ अंक छ ।
April 4, 2025
काठमाडौं (हाम्रो खेलकुद)- एनसेल नेपाल सुपर लिग (एनएसएल) मा एफसी चितवनले लगातार दोस्रो जित हात पारेको छ। चितवनले शुक्रवार बुटवल लुम्बिनी एफसीमाथि १-० को कठिन जित निकाल्यो। चितवनको जितमा टोरिक जेब्रिनले इन्ज्युरी समयमा गरेको गोल नै निर्णायक बन्यो। दशरथ रंगशालामा दुवै टोलीका खेलाडीको प्रदर्शन कमजोर रह्यो। मिडबाट केहि मुभ सिर्जना भएपनि अधिकांश मिस पास भयो। […]
April 4, 2025
काठमाडौं (हाम्रो खेलकुद) – तेस्रो संस्करणको एनसेल एनएसएल अन्तर्गत एफसी चितवन र बुटवल लुम्बिनीबीचको खेल जारी छ। पहिलो हाफ गोल रहित बराबरीमा सकिएको छ । दशरथ रङ्गशालामा चितवन लगातार दोस्रो जित निकाल्ने दाउमा छ । दुई खेलमा १ अंक मात्र जोड्न सकेको बुटवललाई जित दर्ज गर्ने दबाब छ। तर दुवै टिमले पहिलो हाफमा फितलो प्रदर्शन […]
April 4, 2025
सुबास हुमागाईं, काठमाडौं नेपाल सुपर लिग (एनएसएल) को खेलाडी अक्सनमा सहभागी टिमहरुले गोलरक्षक अनुबन्धनमा खासै इच्छा देखाएनन् । यहाँसम्मकी अक्सन हुने समयमा राष्ट्रिय टोलीमा रहेका तीनै गोलरक्षक एक समय अनसोल्ड समेत रहे । तर एनएसएलको सुरुवाती ६ खेल हेर्दा विदेशी गोलरक्षक खेलाउने टोलीको निर्णयले टोलीलाई खासै फाइदा गरेको देखिदैन । बरु अवसर पाएका नेपाली गोलरक्षकले […]