अर्जुन कार्की
बागलुङ– बागलुङमा चिल्ड्रेन लाईफ अन्तर मावि फुटबल प्रतियोगिता आज सुरु भएको छ । उद्घाटन खेलमा आयोजक चिल्ड्रेन लाईफ इङ्गलिस बोर्डिङ स्कुल निलोले सनराइज बोडिङ्ग स्कुल बागलुङलाई ६–१ ले पराजित गर्यो ।

आयोजक टोलीका लागि २२ औं मिनेटमा मनोज थापाले, २८ औं मिनेटमा मिनेटमा राजिव श्रीसले र २९ मिनेटमा सरोज क्षेत्रीले गोल गरे । त्यस्तै दोस्रो हाफको छैटौं मिनेटमा लोकेन्द्र पुनले, आठौं मिनेटमा नारायण कुँवर र २५ औ मिनेटमा सौगात थापाले गोल गरे । सौगातले पेनाल्टीमा गोल गरेका हुन् ।

सनराइजका राजिवलाई पेनाल्टी बक्समा फाउल हानेपछि आयोजक टोलीले पेनाल्टी पाएको थियो । सनराइजका डेनिस थापाले एक गोल फर्काए । १६ विद्यालयको सहभागिता रहेको प्रतियोगिताको जिल्ला शिक्षा अधिकारी गुरुप्रसाद पौडेलले उद्घाटन गरे । कात्तिक २९ गतेसम्म चल्ने प्रतियोगिताको विजेताले २५ र दोस्रो हुने टोलीले १५ हजार रुपैयाँ प्राप्त गर्नेछन् ।

सेमिफाइनल पुग्ने बाँकी दुई टोली समान ५ हजार रुपैयाँ पाउने आयोजक स्कुलका प्रिन्सिपल नवराज श्रेष्ठ बताए । प्रतियोगितामा शनिबार ४ खेल हुनेछन् । अमृत आदर्श मावि र सिदार्थ शिक्षा सदन, भिमसेन मावि र चिल्ड्रेन लाईफ रातो, त्रिभुवन मावि र कालिगण्डकी मावि तथा अमर आदर्श मावि गरिमा आवासिय मावि प्रतिस्पर्धा हुने आयोजक शिक्षक सुरेन्द्र शाक्यले जानकारी दिए ।