जुरिच (एजेन्सी) – २०१८ मा आयोजना हुने रुस विश्वकपमा अहिलेसम्म आयोजकसहित २३ राष्ट्रले आफ्नो स्थान बनाउन सफल भएका छन् । अन्य स्थानहरुका लागि भने रोमाञ्चक प्रतिस्पर्धा हुने पक्का छ ।

आयोजकको हैसियतले रुसले सिधै विश्वकपमा स्थान बनाउँदा बाँकी २२ राष्ट्रले भने विभिन्न चरणको छनोट पार गर्दै विश्वकपमा स्थान बनाएका हुन् । अब विश्वकपमा ९ राष्ट्रले स्थान बनाउन बाँकी छ र नोभेम्बर १० तारिखबाट सो स्थानहरुका लागि प्ले अफ खेलिने छ ।

त्यस्तै अफ्रिका महादेशबाट तीन राष्ट्रले प्लेअफबाट रसिया विश्वकपमा स्थान बनाउन बाँकी छ । दक्षिण अफ्रिका विश्वकपको छनोटबाट बाहिरिसकेको अवस्थामा उसले सेनेगलको सामना गर्दैछ ।

सेनेगललाई विश्वकपमा स्थान बनाउन दक्षिण अफ्रिकाविरुद्धको दुवै खेल जित्नु आवश्यक छ । सेनेगल अफ्रिकी छनोटको समूह ‘डी’को शीर्ष स्थानमा छ ।

समूह ‘डी’को अर्काे खेलमा बुर्किना फासोले केप भार्डे द्विपसँग खेल्दैछ । यस खेलमा भने दुवै टोलीमध्ये जसले जित हात पारेपनि सेनेगल पराजित भएको अवस्थामा विश्वकपमा स्थान बनाउने छन् । बराबरीले भने बुर्किना फासो र केप भार्डे द्विप दुवै टोलीको विश्वकप यात्रा यहीं सकिनेछ ।

यस्तै अफ्रिकी छनोटको समूह ‘सी’मा मोरोक्को र आइभोरी कोष्टले विश्वकपमा स्थान बनाउन खेल्नेछन् । मोरोक्को समूह ‘सी’को शीर्ष स्थानमा रहँदा आइभोरी कोष्ट एक अंकले पछि रहँदै दोस्रो स्थानमा छ । यी दुईमध्येको विजेताले विश्वकपमा स्थान बनाउने छ ।

यसै गरी अफ्रिकी छनोटको समूह ‘ए’मा ट्युनिसिया शीर्ष स्थानमा रहँदा उसले लिवियासँग बराबरी खेले पनि विश्वकपमा स्थान पक्का गर्नेछ । यही समूहको अर्काे खेलमा कंगो र गिनियाले पनि भिड्दै छन् ।

अफ्रिकी छनोटको खेल तालिका:

दक्षिण अफ्रिका विरुद्ध सेनेगल – नोभेम्वर १० राति १०ः४५ बजे

आइभोरीकोष्ट विरुद्ध मोरोक्को – नोभेम्वर ११ राति ११ः४५ बजे

कंगो विरुद्ध गिनिया – नोभेम्वर ११ राति ११ः४५ बजे

ट्युनिसिया विरुद्ध लिविया – नोभेम्वर ११ राति ११ः४५ बजे

सेनेगल विरुद्ध दक्षिण अफ्रिका – नोभेम्वर १५ राति १ः३० बजे

बुर्किना फासो विरुद्ध केप भार्डे द्विप – नोभेम्वर १५ राति १ः३० बजे