7 years ago
November 10, 2017
पोखरा (हाम्रो खेलकुद) – पोखरा रंगशालाको फुटबल रंगशाला निर्माणका लागि मंसिरको पहिलो साता टेण्डर आह्वान हुँदैछ । टेण्डर आव्हान हुनुअघि नै विदेशी कम्पनीहरुले यसको निर्माणमा चासो दिन थालेका छन् । यो क्रममा कुनै न कुनै विदेशी कन्सट्रक्सन कम्पनीहरु पोखरा रंगशालाको फिल्ड भिजिट गर्न थालेको पश्चिमाञ्चल क्षेत्रिय खेलकुद विकास समितीका अध्यक्ष खगराज पौडेलले जानकारी दिए ।
दुई दिनसम्म दिनभरी जसो एक चिनियाँ निर्माण कम्पनीले पोखरा रंगशालाको निरिक्षण गरेको थियो । पोखरा रंगशालामा अवस्थित मिडिया सेन्टरमा कम्पनीका महाप्रवन्धक सहित कम्पनीका अन्तराष्ट्रिय सम्पर्क अधिकारीले कम्पनीका विभिन्न देशमा निर्माण गरेका रंगशालाका बारेमा प्रस्तुति समेत दिएका थिए ।
रंगशाला निर्माणमा दख्खल राख्ने चीनको सिमइ कन्सट्रक्सन कम्पनीका सम्पर्क अधिकारी सिमोन यिले हाल सम्म उक्त कम्पनीले चीन लगायत भारत, बर्मा, कगों, अफगानिस्तान, मंगोलिया लगायतका १६ देशमा रंगशाला निर्माण गरिसकेको अनुभव सुनाए । उक्त कम्पनीले चीनमा ४० हजार दर्शक क्षमताको आलोम्पिक रंगशाला निर्माण गरेको उनले बताए ।
कम्पनीका महाप्रवन्धक सिङ्ग वाङ्गले पोखरा रंगशाला १० महिनाभित्र सम्पन्न गरिसक्नु पर्ने चुनौती रहेको बताए । उनले दाबीका साथ भने, ‘हामी बाहेक कुनै पनि निर्माण कम्पनीका लागि यो चुनौती नै हो । ’
मंसिरको पहिलो साता विडिङ्ग गर्नु पर्ने हालै राष्ट्रिय खेलकुद परिषदले निकालेको टेण्डर आह्वानमा उल्लेख गरिएको छ । पोखरा रंगशाला २० हजार दर्शक क्षमताको सुविधा सम्पन्न हुने बताइएको छ । रंगशालको फुटबल मैदानको झार उर्मान मात्रै १६ महिना लाग्ने भएकोले यदि आफुले टेण्डर पाएमा चिनियाँ कम्पनीले फिफाले मान्यता दिएको एस्ट्रो टर्फ लगाउने बताइएको छ ।
कम्पनीका अनुसार रंगशाला पुरै स्टिल फ्रेमको हुने र पोखरामा हावाको गतिलाई चिर्न प्राविधिक रुपमा सुधार गर्ने उनीहरुले बताएका छन् । यसै गरि १ सय जना सम्मअपाङ्गहरुका लागि सिट समेत छुट्टाइने छ भने ८ लेनको ट्रयाक आइएएएफ मान्यता प्राप्तको हुनेछ । उक्त कम्पनीले बताए अनुसार यदि दिनहुँ जसो रंगशाला व्यस्त रहेको खण्डमा पनि यसको आयु ३० देखि ३५ वर्षको हुनेछ ।
पश्चिमाञ्चल क्षेत्रिय खेलकुदका अध्यक्ष पौडेलले १३ औं दक्षिण एसियाली खेलकुद (साग) लाई मध्येनजर गर्दै टेण्डर आह्वानमा भनिए बमोजिम काम सक्ने कम्पनीलाई मात्र निर्माण कार्यको जिम्मा दिनु पर्ने बताएका छन् । नेपालमा सन् २०१९ मार्चमा १३ औं साग आयोजना हुँदा केही खेल पोखरामा हुने बताइएको छ ।
November 17, 2024
एजेन्सी – जर्मनी र नेदरल्यान्ड्सले युइएफए नेसन्स लिगमा सानदार जित निकालेका छन् । लिग ए ग्रुप ३ को पाँचौं चरणको खेलमा जर्मनीले तुलनात्मक रुपमा कमजोर बोस्निया एण्ड हर्जगोभिनामाथि ७–० को एकपक्षीय जित निकालेको हो । घरेलु मैदानमा भएको खेलमा जर्मनीको फराकिलो जितमा फ्लोरिएन रिट्ज र टिम क्लाइनडिस्टले समान २ तथा जमल मुसिएला, काई हाभर्टज र […]
November 16, 2024
काठमाडौं (हाम्रो खेलकुद) – फरवार्ड जिलेस्पी जंग कार्की र रोहित चन्दको गोलमा नेपालले अन्तर्राष्ट्रिय मैत्रीपूर्ण खेलमा अफगानिस्तानलाई पराजित गरेको छ । ताजिकिस्तानको दुशान्बेमा भएको खेलमा नेपालले २-० को जित दर्ता गरेको हो । खेलको पहिलो हाफ गोलरहित बराबरीमा सकिएको थियो । दोस्रो हाफको सुरुवातमै जिलेस्पीले गोल गर्दै नेपाललाई अग्रता दिलाए । नेपालले अग्रता लिएपछि रक्षात्मक […]
November 16, 2024
एजेन्सी – दक्षिण अमेरिकी विश्वकप छनोटमा शनिवार उरुग्वेले कोलम्बियालाई ३- २ हराएको छ। उरुग्वेको जित दिलाउन म्यानुएल उगारटेले इन्ज्युरी समयको ११ औं मिनेटमा निर्णायक गोल गरे । खेलमा अग्रता पनि कोलम्बियाले नै लिएको थियो । जुवान फर्नान्डो क्विन्टेरोले ३१ औं मिनेटमा पहिलो गोल गरे । त्यसपछि ५७ औं मिनेटमा डाभिन्सन सान्चेजले आत्मघाती गोल गरेपछि खेलमा १-१ को बराबरी […]
