लन्डन (एजेन्सी)– इङ्लिस क्लब म्यानचेस्टर युनाइटेड विश्वको सफल क्लबमध्ये पर्दछ । पछिल्लो दुई दशकमा टोलीले धेरै सफलता प्राप्त गरेको छ । विश्वका थुप्रै खेलाडी युनाइटेड जाने सपना देख्ने गर्दछन् । तर, केही यस्ता खेलाडी रहे जसले युनाइटेडको प्रस्तावलाई अस्वीकार गरे वा त्यहाँ जाने वातावरण बनेन । त्यसमध्येका केही खेलाडीका बारेमा यहाँ उल्लेख गरिएको छ ।

रोनाल्डिन्हो

युनाइटेडले २००३ मा डेभिड बेकह्यामको ठाँउ रोनाल्डिन्होले लिन अनुमानसहित सम्झौता गर्न चाहेको थियो । तर अन्तिम समयमा ब्राजिलियन स्टार बार्सिलोना पुगेका थिए । उनले क्याप नोउमा थ्रुपै सफलता हासिल पनि गरे । उनको मद्दतमा बार्सिलोनाले च्याम्पियन्स लिग उपाधि जितेको थियो भने युनाइटेडले त्यसको चार वर्षपछि सम्म लिग जित्न सकेन ।

सर्जियो रामोस

युनाइटेडका तत्कालिन प्रशिक्षक लुइस भान हाल सर्जियो रामोसलाई लिन चाहन्थे । रामोस पनि त्यसका लागि तयार रहेको बताइन्छ । तर, पनि उनले रियलसँग लामो सम्झौता गरे । गोलकिपर इकर कासिलासले क्लब छाडेसँगै रामोस क्लका कप्तान बने । रामोस विश्वका उत्कृष्ट रक्षक मध्येका एकमा रुपमा स्थापित छन् ।

टोनी क्रुस

क्रुसले सन् २०१४ मा बायर्न म्युनिख छाड्ने पक्का भएको थियो । त्यति बेला युनाइटेड उनलाई भित्राउन चाहन्थ्यो । तर जर्मन खेलाडीले रियल म्याड्रिड रोजे । जहाँ उनले थ्रुपै सफलता पनि प्राप्त गरेका छन् । युनाइटेडको प्रस्ताव अस्विकार गर्दै रियल जानुलाई उनीले उपयुक्त मानेका छन् । किनकी उनले रियलबाट च्याम्पियन्स लिग जितिसकेका छन् ।

थिएगो अल्कान्टारा

अल्कान्टार सन् २०१३ मा बार्सिलोनाबाट बायर्न म्युनिख पुगेका थिए । तर त्यति बेलाका प्रशिक्षक डेभिड मोयज उनलाई युनाइटेड लान चाहन्थे । तर, स्पेनिस मिडफिल्डरलाई लिन मोयज असफल भए । अल्कान्टारले पनि आफुलाई मोयजले लान चाहेको बताएका थिए । उनी अहिले विश्व फुटबलका उत्कृष्ट मिडफिल्डर मध्येका एकका रुपमा परिचित छन् ।

आरोन रामसे 

सन् २००८ मा कार्डिफ सिटीबाट रामसे युनाइटेड आउने सहमत भइसकेका थिए । युनाइटेडले घोषणा समेत गरिसकेके थियो । तर त्यो घोषणा सफल हुन सकेन वेल्सका मिडफिल्डर आर्सनल लागे । उनलाई प्रशिक्षक आर्सन वेङ्गर मनाउन सफल भएका थिए । रामसेले आफुलाई आर्सनलमा स्थापित गरिसकेका छन् । उनको महत्वपूर्ण भूमिका रहँदा आर्सनले तीन पटक एफए कप जितिसकेको छ । त्यसमध्ये उनले दुईवटा फाइनलमा निर्णायक गोल गरेका थिए । यद्दपी उनी युनाइटेडमा हुन्थे भने अझै सफल हुन सक्थ्ये । त्यसयता युनाइटेडले ३ पटक लिग उपाधि जितसकेको छ ।