7 years ago
November 7, 2017
काठमाडौं (हाम्रो खेलकुद )- पूर्व अन्तर्राष्ट्रिय खेलाडी तथा महिला राष्ट्रिय टोलीका मुख्य प्रशिक्षक कुमार थापा युरोपेली फुटबल महासंघ (युइएफए) ले सञ्चालन गर्ने फुटबल व्यवस्थापन सम्बन्धी स्नातकोत्तर (एमए) तहको कोर्समा सहभागिता जनाउने भएका छन् ।
थापा उक्त कोर्षका लागि एसियाली महादेशबाट छनोट हुने एक्लो एसियन खेलाडी हुन् । उक्त कोर्षमा विभिन्न देश र क्लबबाट खेलिसकेका २५ जना अन्तर्राष्ट्रिय खेलाडीहरुको सहभागिता रहने छ ।
यस कोर्षमा फ्रान्सका विश्वकप विजेता युरी जोकायफ, ब्राजिलका विश्वकप विजेता गिल्बर्टो सिल्भा, जर्मनीका महिला विश्वकप विजेता टिमकी आनेका खान, स्पेनका पुर्व खेलाडी मोन्डिएटा, पिएसजीका टिम को-अर्डिनेटर म्याक्सवेल र आइभोरीकोष्टका खेलाडी तथा सेल्टिकका सहायक प्रशिक्षक कोलो टुरेलगायतको उपस्थिति रहनेछ । कोर्ष नोभेम्बर १३ तारिखबाट शुरु हुँदैछ ।
कार्यक्रममा बोल्दै थापाले नेपाली फुटबलमा लागेकै कारण यस्तो सफलता हात पार्न सकेको बताउँदै नेपाली फुटबललाई धन्यवाद दिए । एसियाली फुटबल महासंघ (एएफसी) कै कोर्स पाउन मुस्किल हुने अवस्थामा सिंगो एसियाली महादेशबाट एक मात्र खेलाडीको रुपमा छनोट हुन पाउनु गर्वको विषय रहेको बताए ।
यस्तै थापाले यस कोर्षका लागि २७ हजार युरो युइएफएबाट प्राप्त गरेको र त्यो रकम अपुग हुने भन्दै सहयोगको लागि नेपाल सरकार, खेलकुद मन्त्रालय, राष्ट्रिय खेलकुद परिषद (राखेप), नेपाल ओलम्पिक कमिटि, अखिल नेपाल फुटबल संघ (एन्फा), व्यापारिक घरना र व्यवसायिक प्रतिष्ठानहरुसँग सहयोगको लागि अपिल गरेको छन्।
यस्तै फुटबल विश्लेषक नवीन पाण्डेले थापाले उदाहारणीय उपलब्धि हासिल गरेको बताए । पाण्डेले यस्तो उदाहारणीय कामले नेपालमा मात्र नभई दक्षिण एसियाली क्षेत्रको आँखा खोल्ने काम गरेको बताए । उनले थापालाई कोर्सका लागि सहयोग स्वरुप आफ्नो टिमले आउने जाने टिकट उपलब्ध गराउने घोषणा गरे ।
यस्तै नेपाल खेलकुद पत्रकार मञ्चका अध्यक्ष महेश आचार्यले थापाको यो उपलब्धि गर्व गर्ने विषय रहेको बताए । ‘कुमार हाम्रो लागि जहिले पनि अब्बल देखियो । यो कोर्षमा पनि अब्बल नै रहोस् भन्ने कामना छ । यसबाट नेपाली फुटबलले फाइदा लिन सकोस् ’ आचार्यले भने ।
दोस्रो संस्करणको कोर्ष युरोपका विभिन्न सात देश स्वीट्जरल्याण्ड, फ्रान्स, इंग्ल्याण्ड, स्पेन, नेदरल्याण्ड्स, जर्मनी र अमेरिकामा सञ्चालन हुनेछ । यस कोर्षको परीक्षा सन् २०१९ मे ३१ म युरोपेली च्याम्पियन्स लिगको फाइनल खेल दौरान हुनेछ । दुई वर्षसम्म सञ्चालन हुने कोर्ष सन् २०१९ नोभेम्वर १४ मा स्वीट्जरल्याण्डको नियोनमा सम्पन्न हुनेछ ।
November 17, 2024
एजेन्सी – जर्मनी र नेदरल्यान्ड्सले युइएफए नेसन्स लिगमा सानदार जित निकालेका छन् । लिग ए ग्रुप ३ को पाँचौं चरणको खेलमा जर्मनीले तुलनात्मक रुपमा कमजोर बोस्निया एण्ड हर्जगोभिनामाथि ७–० को एकपक्षीय जित निकालेको हो । घरेलु मैदानमा भएको खेलमा जर्मनीको फराकिलो जितमा फ्लोरिएन रिट्ज र टिम क्लाइनडिस्टले समान २ तथा जमल मुसिएला, काई हाभर्टज र […]
November 16, 2024
काठमाडौं (हाम्रो खेलकुद) – फरवार्ड जिलेस्पी जंग कार्की र रोहित चन्दको गोलमा नेपालले अन्तर्राष्ट्रिय मैत्रीपूर्ण खेलमा अफगानिस्तानलाई पराजित गरेको छ । ताजिकिस्तानको दुशान्बेमा भएको खेलमा नेपालले २-० को जित दर्ता गरेको हो । खेलको पहिलो हाफ गोलरहित बराबरीमा सकिएको थियो । दोस्रो हाफको सुरुवातमै जिलेस्पीले गोल गर्दै नेपाललाई अग्रता दिलाए । नेपालले अग्रता लिएपछि रक्षात्मक […]
November 16, 2024
एजेन्सी – दक्षिण अमेरिकी विश्वकप छनोटमा शनिवार उरुग्वेले कोलम्बियालाई ३- २ हराएको छ। उरुग्वेको जित दिलाउन म्यानुएल उगारटेले इन्ज्युरी समयको ११ औं मिनेटमा निर्णायक गोल गरे । खेलमा अग्रता पनि कोलम्बियाले नै लिएको थियो । जुवान फर्नान्डो क्विन्टेरोले ३१ औं मिनेटमा पहिलो गोल गरे । त्यसपछि ५७ औं मिनेटमा डाभिन्सन सान्चेजले आत्मघाती गोल गरेपछि खेलमा १-१ को बराबरी […]
