नाप्लेस (एजेन्सी) – च्याम्पियन्स लिगको समूह ‘एफ’ अन्तर्गत आज राति नेपोली र म्यानचेस्टर सिटी भिड्दै छन् । नेपोलीको घरेलु मैदान स्टाडियो सान पाउलोमा खेलिने सो खेल नेपाली समय अनुसार १.३० बजे सुरु हुने छ ।

घरेलु टोलीका लागि आर्काडुइज मिलिक घाइते छन् भने सिटीका डिफेन्डरद्वय भिन्सेन्ट कम्पनी र बेन्जामिन मेन्डि पनि घाइते रहेका छन् । सिटीविरुद्ध पछिल्लो खेलमा नेपोलीले आफ्ना केहि खेलाडिहरुलाई विश्राम दिएको थियो तर आज भने प्रशिक्षक मारिजियो सारिले आफ्नो सबै पहिलो रोजाईकै खेलाडि खेलाउने छन् ।

म्यानचेस्टर सिटी प्रिमियर लिगको र नेपोली इटालियन सेरीआको शीर्ष स्थानमा छन् । घरेलु लिगमा दश खेलमा सिटीको २८ अंक छ भने ११ खेलमा नेपोलीको ३१ अंक रहेको छ । यी दुई बीच खेलिएको अघिल्लो च्याम्पियन्स लिगको खेलमा भने सिटी २-१ ले विजयी रहेको थियो ।

त्यस्तै सोहि समयमा अर्को इङ्ग्लिस टोली लिभरपुल मेरिबोरको सामना गर्दै छ । लिभरपुलका लागि फिलिप कौटिन्हो, साडियो माने र रोबर्टो फिर्मिनो घाइते रहेका छन् । दुई साता अघि खेलिएको यी दुई बीचको खेलमा लिभरपुल ७-० ले विजयी रहेको थियो ।

आज राति च्याम्पियन्स लिगमा खेलिने अन्य खेलहरु:

बेसिक्टास विरुद्ध मोनाको – १०.४५ बजे

पोर्टो विरुद्ध आरबि लेपजिग – १.३० बजे

शाख्तार डोनेस्क विरुद्ध फेयेनूर्ड – १.३० बजे

सेभिल्ला विरुद्ध स्पार्टाक मस्को – १.३० बजे

बोरुसिया डर्टमन्ड विरुद्ध एपोएल निकोसिया – १.३० बजे