नवलपरासी (हाम्रो खेलकुद) – वीरगञ्ज युथ क्लब नवलपरासीमा जारी तेस्रो राइनो संरक्षण गोल्ड कप फुटबल प्रतियोगिताको क्वार्टरफाइनलमा पुगेको छ । अग्नी रुपन्देही ११ लाई २–१ ले हराउँदै वीरगन्ज नवलपरासी मध्यबिन्दु ४ कोल्हुवा जारी प्रतियोगिताको अन्तिम आठमा पुगेको हो ।

वीरगञ्जले खेलमा पछि परेको स्थिति उल्ट्याउदै जित हासिल गरेको थियो । वीरगञ्जको जितमा अफ्रिकी खेलाडी मिडो र सुशान्त तामाङले गोल गरे । रुपन्देहीका लागि निरज बस्नेतले गोल गरे । खेलको १३ औं मिनेटमा नै निरजको गोलबाट रुपन्देहीले अग्रता लिउको थियो ।

दोस्रो हाफको सुरुआतमै वीरगञ्जका मिडोले बराबरी गोल फर्काए । ७९ औं मिनेटमा सुशान्तले गोल गरे र खेलमा त्यहि निर्णायक गोल बन्यो । प्रतियोगिता अन्र्तगत बुधबार देशभक्त युथ क्लव र आयोजक क्लव बीच खेल हुनेछ । प्रतियोगिताको पहिलो दिन कास्की–११ ले जगदम्बा लुम्बिनीलाई ३–० ले पराजित गरेको थियो ।

देशविदेशमा गैँडा संरक्षणको सन्देश दिन प्रतियोगिता गरिएको आयोजक नन्दभाउजू उपभोक्ता समितिका अध्यक्ष दोमनबहादुर भण्डारीले जानकारी दिए ।प्रतियोगिताको विजेताले उपाधिसहित ५ लाख २५ हजार ५ सय ५५ र दोस्रो हुनेले २ लाख ५० हजार ५ सय ५५ रुपैयाँ प्राप्त गर्नेछ । कात्तिक २५ गते सम्म चल्ने प्रतियोगितामा १२ टोलीको सहभागिता छ ।