म्याड्रिड (एजेन्सी)– रियल म्याड्रिडका विङ्गर गारेथ बेल र रक्षक राफेल भाराने लन्डन नजाने ६ खेलाडीमा परेका छन् । टोटेनह्यामसँग बुधबार हुने च्याम्प्यिन्स लिगको समूह चरणका खेलका लागि रियलको टोली लन्डन पुगेको छ ।

टोटेनह्यामका पूर्व स्टार बेल, फ्रान्सेली रक्षक भारानेसहित माटेउ कोभाकिक, लुका जिदाने, डानी कार्भाजाल र केलोर नाभास लन्डन जाने १९ सदस्यीय टोलीमा छैनन् । मंसापेसीको चोटका कारण भारान पछिल्लो ला लिगा खेलमा परिवर्तन भएका थिए । गिरोनाविरुद्धको उक्त खेलमा रियल २–१ ले स्तब्ध भएको थिया ।

इस्कोलाई पनि सोही खालको समस्या भएपनि उनी भने ठिक भएर टोटेनह्यामविरुद्धको टोलीमा सामेल भएका छन् । भारानेको सट्टा मैदान प्रवेश गेका नाचो फर्नान्डेजनै टोटेनह्यामविरुद्ध कप्तान सर्जियो रामोससँग जोडीका रुपमा उत्रने सम्भावना छ । त्यस्तै मार्सेलो र अर्चेफ हाकिमी अन्य दुई खेलाडी रक्षापक्तिमा रहने सम्भावना छ । किको कासिलाले रियलको पोस्ट सम्हाल्ने मौका पाउनेछन् ।

टोटेनह्यामविरुद्ध रियलको टोली
कासिला, मोहा, अर्चेफ, रामोस, नाचो, मार्सेलो, थिओ, भालेजो, क्रुस, मोड्रिड, कासिमेरो, एसेन्सियो, इस्को, मार्कोस लोरेन्ट, केबालोस, रोनाल्डो, बेन्जेमा, लुकास भाजक्वेज र मायोरोल