म्यानचेस्टर (एजेन्सी) – च्याम्पियन्स लिगको समूह ‘ए’ अन्तर्गत म्यानचेस्टर युनाइटेड आज बेन्फिकाको सामना गर्दै छ । युनाइटेडको घरेलु मैदान ओल्ड ट्राफोर्डमा खेलिने सो खेल नेपाली समय अनुसार रातिको १.३० बजे सुरु हुने छ ।

युनाइटेड समूह चरणका आफ्ना तीनै खेल जित्दै समूहको शीर्ष स्थानमा छ भने बेन्फिका जितविहीन रहेको छ । यी दुई बीचको अघिल्लो खेलमा म्यानचेस्टर युनाइटेड १-० ले विजयी रहेको थियो ।

च्याम्पियन्स लिगमा टोलीमा परिवर्तन गर्ने गरेकाले प्रशिक्षक जोसे मौरिन्होले आज भिक्टर लिन्डेलफ, एन्थोनियो मार्सियाल र माट्टियो डर्मियानलाई खेलाउने सम्भावना छ । बेन्फिकाका लागि डग्लास घाइते रहेका छन् भने लिसाओ प्रतिबन्धित छन् । यसै गरी आन्द्रे अल्मेडा प्रतिबन्धपछि टोलीमा फर्कँदै छन् ।

त्यस्तै अर्को इङ्ग्लिस टोली चेल्सी समूह सीमा आज रोमासँग भिड्दै छ । स्ट्यामफोर्ड ब्रिजमा यी दुई टोलीले ३-३ को रोमाञ्चक बराबरी खेलेका थिए भने आजको भिडन्त रोमाको घरेलु मैदान स्टाडियो ओलिम्पिकोमा हुने छ ।

चेल्सीका लागि एन्गोलो कान्टे ट्रेनिङमा फर्के पनि पूर्ण फिट रहेका छैनन् । त्यस्तै रोमाका लागि एमर्सन र कोस्टास मानोलास घाइते छन् । यो खेल पनि नेपाली समय अनुसार १.३० बजे नै सुरु हुने छ ।

आज राति च्याम्पियन्स लिगका अन्य खेलहरु:

बासेल विरुद्ध सिएसकेए मस्को – १.३० बजे

सेल्टिक विरुद्ध बायर्न म्युनिख – १.३० बजे

स्पोर्टिङ विरुद्ध युभेन्टस – १.३० बजे

एट्लेटिको म्याड्रिड विरुद्ध काराबाग – १.३० बजे

पिएसजी विरुद्ध एन्डरलेक्ट – १.३० बजे

ओलम्पियाकोस विरुद्ध बार्सिलोना -१.३० बजे