न्यू योर्क (एजेन्सी) – भारतीय क्रिकेट टोलीका कप्तान विराट कोहलीको ‘ब्रान्ड भ्यालू ‘ अर्जेन्टिनी सुपरस्टार लियोन मेस्सी भन्दा धेरै रहेको छ । अमेरिकी बिजनेस म्यागजिन फब्र्सले प्रकाशित गरेको विश्वका मूल्यवान एथलीट को सूचीमा कोहली सातौं र मेस्सी नवौं स्थानमा छन् । 

फब्र्सका अनुसार कोहलीको ‘ब्रान्ड भ्यालू ‘१४.५ मिलियन अमेरिकी डलर छ । मेस्सीको १३.५ मिलियन डलर रहेको उल्लेख गरिएको् छ । फोब्र्सको शीर्ष १० मा पर्ने कोहोली एकमात्र क्रिकेटर हुन् ।

पहिलो स्थानमा चर्चित टेनिस हस्ती रोजर फेडेरर छन् । उनको मूल्य ३७.२ मिलियन डलर रहेको छ । त्यस्तै दोस्रो स्थानमा बास्केटबलका लेब्रोन जेम्स र तेस्रो स्थानमा उसियन बोल्ट छन् ।

जेम्सको मूल्य ३३.४ मिलियन रहेको छ भने बोल्टको ब्रान्ड भ्यालु २७ मिलियन छ । चौथो स्थानका पोर्चुगेली फरवार्ड क्रिस्टियानो रोनाल्डोको मूल्य २१.५ मिलियन अमेरिकी डलर रहेको उल्खेल छ ।

फब्र्सको सुचिमा परेका शीर्ष १० खेलाडी

१. रोजर फेडेरर – ३७.२ मिलियन डलर

२. लेब्रोन जेम्स – ३३.४ मिलियन डलर

३. उसियन बोल्ट – २७ मिलियन डलर

४. क्रिस्टियानो रोनाल्डो – २१.५ मिलियन डलर

५. फिल माइकेलसन् – १९.६ मिलियन डलर

६. टाइगर वुड्स – १६.६ मिलियन डलर

७. विराट कोहली – १४.५ मिलियन डलर

८. रोरी म्याकरोइ – १३.६ मिलियन डलर

९. लियोनल मेस्सी – १३.५ मिलियन डलर

१०. स्टेफेन करी – १३.४  मिलियन डलर