काठमाडौं (हाम्रो खेलकुद)– एएफसी यू १९ च्याम्पियनसिप छनोटका लागि अखिल नेपाल फुटबल संघ (एन्फा) ले आज अपर्ण कार्कीको कप्तानीमा नेपाली युवा टोलीको घोषणा गरेको छ ।

गत महिना साफ यू १८ को विजेता नेपाली टोली । फाइल तस्बिर

छिरिङ लोप्साङको नेतृत्वमा रहेको प्रशिक्षण टोलीले अर्को साता सुरु हुने छनोटका लागि प्रेजन तामाङलाई उप कप्तान चयन गरेको छ । किर्गिस्तानमा मंगलबारबाट समूह ‘ए’ छनोट खेल सुरु हुँदैछ । यो समूहमा नेपालसहित आयोजक किर्गिस्तान, बहराइन, संयुक्त अरब इमिरेट्स (युएइ) र ओमान रहेका छन् ।

असोजको पहिलो साता लोप्साङको नेतृत्वमा नेपालले भुटानमा साफ यू १८ च्याम्पियनसिपको उपाधि जितेको थियो । अहिलेको टोलीमा अधिकांश तीनै खेलाडी रहेका छन् । लोप्साङको प्रशिक्षण टोलीमा पुष्कर शाही प्रशिक्षक र मृगेन्द्र मिश्र सहायक प्रशिक्षकका रुपमा रहेका छन् ।

नेपालले मंगलबार आयोजक किर्गिस्तानसँग खेल्दै प्रतियोगिताको सुरुआत गर्नेछ । नोभेम्बर २ मा बहराइनसँग प्रतिस्पर्धा गर्ने नेपालले नोभेम्बर ४ मा युएइ अन्तिम खेलमा नोभेम्बर ८ मा ओमानको सामना गर्नेछ ।

१० समूहका विजेता र समग्रमा उत्कृष्ट ५ उपविजेता र आयोजक राष्ट्रको सहभागितामा यू १९ च्याम्पियनसिपको अन्तिम चरण अर्को वर्ष आयोजना हुनेछ ।

नेपाली यू १९ फुटबल टोली

१. अपर्ण कार्की – कप्तान
२. प्रेजन तामाङ – उपकप्तान
३. अभिषेक बराल – खेलाडी
४. विश्वास उदास
६. असिम भुसाल
७. राजन गुरुङ
८. सुमन अर्याल
९. निरञ्जन महर्जन
१०. रोमन लिम्बु
११. अशोक थापा
१२. दिने हेन्जन
१३. अभिषेक रिजाल
१४. अनिल महर्जन
१५. सेसच्याङ आङदम्बे
१६. आकाश श्रेष्ठ
१७. अरिक विष्ट
१८. रेजिन सुब्बा
१९. धिरज श्रेष्ठ
२०. सुरज जंग ठकुरी
२१. राजेश परिवार
२२. मनीष थापा
२३. सोजित गुरुङ

प्रशिक्षण टोली
छिरिङ लोप्साङ – मुख्य प्रशिक्षक
पुष्कर शाही – प्रशिक्षक
मृगेन्द्र मिश्र – गोलकिपर प्रशिक्षक