राष्ट्रिय टोलीका स्ट्राइकर नवयुग श्रेष्ठलाई उनकै इलामेली मित्र प्रकाश बराइलीले लेख्नुभएको शुभकामना संदेश यस्तो छ:

नवयुग, नाम जस्तै छ तेरो काम पनि।

सम्झन्छु त्यो दिनहरु जब तैले खेलेका स्कुलको फूटबल म्याच हरु, जब त खेल्थिस लग्थ्यो अब हाम्रो स्कुलले नै जित्नेछ। हुन पनि त्यस्तै हुन्थ्यो जतिपल्ट त खेलिस कहिले पनि हाम्रो स्कुलले हारेन। एकदम खुशी लाग्छ त्यो दिनहरु सम्झँदा। त्यसरी नै तेरो प्रगतिको पाइला अघि बढ्दै जाँदा ईलामलाई पहिलोपल्ट राष्ट्रियस्तरको सभापति कप को विजेता बनाइस, सारा इलामेले त्यो बेला गर्व गर्ने क्षण बनेको थियो। त्यसैगरी त्रिभुवन आर्मी क्लबबाट तैले गरेको प्रगती त कसले बिर्सन सक्छ र।

हाम्रो लागि यो नै एउटा गर्वको विषय बनेको छ। अब दिन आएको छ नयाँ युग को। अब दिन आएको छ हाम्रो विश्वास को। नेपाली फूटबलको पछिल्लो अवस्थालाई हेर्दा साह्रै दु:ख लाग्छ। केही मात्रै भएपनि हाम्रो देशको फूटबलको कालो भागलाई बागमतीले पखाली दिएको छ। त जस्तै अरु पनि धेरै राम्रा राम्रा हाम्रो विश्वाश हरु आएका छन।

क्षणिक लोभ र लालचमा नलागी हाम्रो देश नेपाल को लागि अब तैले खेल्नु छ। मलाई बिस्वाश छ नवयुग स्कुल पढ्दाको त प्रतिको भरोसा कहीलेपनि तोडिने छैन। दिल खोलेर खेल, मन लगाएर खेल, हामी तेरो साथ मा छौँ। तँ प्रति हाम्रो धेरै नै आशा छ नवयुग।

तपाईं पनि यस्तै कुनै लेख छन् भने hamro.khelkud@gmail.com मा इमेल गर्न सक्नुहुन्छ|