रोम (एजेन्सी) – इटालीका गोलकिपर जियानलुइजी बुफोनले सिजनको अन्त्य पछि सन्न्यास लिने घोषणा गरेका छन् । युभेन्टसका पोस्ट सम्हाल्दै गरेका ३९ वर्षे उनले क्लब च्याम्पियन्स लिग जित्न सफल भए क्लब विश्व कप सम्म अन्यथा सिजनको अन्त्यमा खेल जीवनलाई पूर्णविराम दिने बताएका छन् । 

‘यो मेरो खेल जीवनको अन्तिम सिजन हो र मेरो निर्णय प्रति निश्चित छु ,’ बुफोनले भने , ‘मैले अझ एक वा दुई सिजन खेल्दैमा पाएको सफलतामा केहि थपिने छैन न त मैले केहि गुमाउने नै छु , त्यसैले मैले यो निर्णय लिएको हो।’

उनले टोलीले च्याम्पियन्स लिग जिते क्लब विश्व कप जिताउन पनि प्रयास गर्ने योजना सुनाए । ‘युभेन्टसले च्याम्पियन्स लिग जिते क्लब विश्व कप जिताउन पनि प्रयास गर्नुे छु ,’ उनले थपे, ‘त्यो सम्भव भएन भने सिजनको अन्त्यमा ग्लोभ्स थन्क्याउने छु ।’

सन् २००१ मा पार्माबाट कीर्तिमानी ५२ मिलियन युरोमा युभेन्टस पुगेका बुफोनले त्यसता १० पटक सिरी ए , एक पटक सिरी बी , तीन सुपर कप जितेका छन् । इटालीका लागि उनले सन् २००६ को विश्व कप जितेका थिए ।

बुफोन रुसमा अर्को वर्ष आयोजना हुने विश्व कप खेल्नेमा पनि आशावादी छन् । तर इटालीले यसपटक विश्व कप खेल्न स्विडेनसँगको प्ले अफ पार गर्नुपर्नेछ ।