लन्डन (एजेन्सी)– अर्जेन्टिनका महान खेलाडी डिएगो म्यारोडोनाले सोमबार राती लन्डनमा रियल म्याड्रिडका स्टार क्रिस्टियानो रोनाल्डोलाई फिफा उत्कृष्ट खेलाडी २०१७ को अवार्ड प्रदान गरेका थिए । तर, अवार्ड वितरण समारोहपछि लियोन मेस्सीलाई नभइ रोनाल्डोलाई अवार्ड दिनु परेकोमा म्यारोडोनाले दुःख मनाउ गरेका छन् ।

रोनाल्डोले लगातार दोस्रो दोस्रो वर्ष फिफा उत्कृष्ट खेलाडीको अवार्ड जितेका हुन् । उनले अवार्डका लागि मेस्सी र नेयमारलाई पछि पारेका थिए । अवार्डपछि म्यारोडोनाले भने,‘मेस्सीलाई नभएर रोनाल्डोलाई दिन पर्दा नरमाइलो लागेको छ । ’

म्यारोडोनाकोले मेस्सी सम्मिलित अर्जेन्टिनाको राष्ट्रिय फुटबल टोलीलाई सन् २००८ देखि २०१० सम्म प्रशिक्षण दिएका थिए । उनले अवार्डका दौरान मेस्सीलाई भेटेका थिए । उनले मेस्सीसँगको भेटका बारेमा भने,‘मेस्सीसँगको भेट उत्कृष्ट थियो । हामीले कुराकानी गर्यो । हाम्राबीच अहिले पनि उस्तै छ जहिले पहिले हुने गथ्र्यो ।’

मेस्सीले गत सिजन ३४ खेलमा ३७ गोल गरेका थिए । ३० वर्षे मेस्सीकै उच्च प्रदर्शनबाट प्रेरित अर्जेन्टिनाले इक्वेडरलाई पराजित गर्दै अर्को वर्ष रसियामा हुने फिफा विश्व कपका लागि स्थान सुरक्षित गरेको थियो ।