मार्से (एजेन्सी) – फ्रान्सेली लिग १ मा आज अंक तालिकाको पहिलोमा रहेको अपराजित पिएसजी (पेरिस सेन्ट जर्मन)ले चौथोमा रहेको मार्सेको सामना गर्दै छ । नेपाली समय अनुसार १२.४५ बजे सुरु हुने यस खेल मार्सेको घरेलु मैदान स्टाडे भेलोड्रोममा खेलिने छ ।

पिएसजीका लागि कप्तान थियागो सिल्भा सामान्य चोटिल रहेका छन् त्यसैले प्रशिक्षक उनाइ एम्रीले उनलाई विश्राम दिने सम्भावना छ । त्यस्तै थोमस म्युनियर र जाभियर पास्टोरे पनि पिएसजीका लागि टोलीमा आगमन गर्ने देखिन्छ ।

अर्को तर्फ ९ खेलमा १७ अंक बटुलेको मार्सेका लागि कोस्टास मिट्रोग्लुको स्थानमा बढि रक्षात्मक रहेका मिडफिल्डर रुडि गार्सिया खेल्ने सम्भावना रहेको छ । त्यस्तै फरवार्डमा क्लिन्टन एन्जे र भालेर जर्मनमध्ये प्रशिक्षक मार्को बियल्साले कुनै एक जनालाई अवसर दिने छन् ।

मार्से आफ्ना अघिल्ला २० मध्ये १८ खेलमा अपराजित रहे पनि बाप्पे, काभानी र नेयमार सम्मिलित पिएसजीको अग्रपंक्तिलाई सम्हाल्न उसलाई अवश्य गाह्रो हुने छ । पिएसजीले मार्सेसँग उसैको मैदानमा खेलिएका पछिल्ला ६ खेलहरुमा सबैमा जित पनि हांसिल गरेको छ ।

आज लिग १ मा खेलिने अन्य खेलहरुको तालिका (नेपाली समय अनुसार):

निस विरुद्ध स्ट्रासबर्ग – ६.४५ बजे

ट्रोएस विरुद्ध लियोन – ८.४५ बजे