default_image

7 years ago

October 20, 2017

नेयमारले बार्सिलोना छाड्ने संकेत मेस्सीको विवाहमा दिएको जाभीको खुलासा

44 views

0 Bookmark

म्याड्रिड (एजेन्सी)– नेयमारले टोलीका अन्य खेलाडीलाई बार्सिलोना छाडेर पेरिस सेन्ट जर्मेन (पिएसजी) जान लागेको लियोन मेस्सीको विवाहका दौरान नै जानकारी दिएको क्लब र स्पेनका पूर्व खेलाडी जाभीले खुलासा गरेका छन् ।

चार वर्ष सफलतापूर्वक बार्सिलोनामा बिताएका नेयमार यहि सिजन कीर्तिमानी २ सय २२ मिलियन युरोमा फ्रान्सेली क्लब पिएसजीमा आबद्ध भएका थिए । नेयमारको निर्णयबाट अरु जस्तै आफुपनि आश्चार्यमा परेको उल्लेख गर्दै जाभीले विस्तारमा सबै सुनेको बताएका छन् ।

बिबिसीलाई दिएको अन्तवार्तामा जाभीले उनीहरुबीच मेस्सीको विवाह समारोहमा भाग लिदा कुराकानी भएको जनाएका छन् । ‘मेस्सीको विवाहमा उनले क्लब फेर्न चाहेको हामीलाई भने,’ जाभीले भने, ‘तर किन छाड्ने लागेको भनेर मैले सोधे । उनले बार्सिलोनामा आफु खुसी हुन नसकेको । नयाँ अनुभवका लागि पिएसजी जान लागेको बताए । अन्तमा उनले निर्णय लिए , त्यसको हामीले सम्मान गर्नुपर्दछ ।’

जाभीले नेयमार, केलियन बाप्पे र इन्डिसन काभानीको प्रभावशाली साझेदारीका कारण पिएसजीले यो सिजन च्याम्पियन्स लिग उपाधिको मुख्य दाबेदार मध्येको एक रहेको बताए । उनले भने,’मलाई लाग्छ नेयमारले बाप्पेको साथमा पिएसजीले यो सिजन च्याम्पियन्स लिग जित्ने सम्भावना छ ।’

यो सिजन क्लबका ७ खेलमा नेयमारले ११ गोलका लागि भूमिका निर्वाह गरिसकेका छन् । उनले ६ गोल आफै गरेका थिए भने ५ गोलका लागि एसिस्ट गरेका थिए । त्यस्तै च्याम्पियन्स लिगमा पनि उनले ३ खेलमा ३ गोल गरेका छन् । जसमध्ये यो साता एन्डरलेकविरुद्ध फ्रिकिकमार्फतको गोल पनि सामेल छ ।

 

January 11, 2025

झापा कपबाट २८ लाख बढी बचत

हिमाल खरेल,बिर्तामोड झापा कप फुटबल प्रतियोगिताको हिसाब सार्वजनिक गरिएको छ । आयोजकले झापा को फुटबलबाट २८ लाख रुपैयाँभन्दा बढी रकम बचत भएको जनाएको छ । झापा ११ फुटबल क्लबको आयोजनामा मंसिर २९ गतेदेखि पुस ८ गतेसम्म सञ्चालित प्रतियोगिताबाट २८ लाख ३० हजार ८७३ रुपैयाँ बचत भएको आज पत्रकार सम्मेलन गरी आयव्यय सार्वजनिक गरिएको हो । […]

January 11, 2025

एपिएफको लगातार चौथौ जित

काठमाडौं (हाम्रो खेलकुद)- एपिएफ फुटबल क्लबले एन्फा महिला लिगको अन्तिम चरणमा लगातार चौथौ जित निकालेको छ। विभागीय डर्बीमा एपिएफले शनिवार त्रिभुवन आर्मी क्लबलाई ३-१ ले पराजित गर्यो। एन्फा कम्प्लेक्समा भएको खेलमा एपिएफको जितमा निशा थोकर, अनिता बस्नेत र प्रिती राईले समान १ गोल गरे। विभागीय टोली बिचको खेलको पहिलो हाफमा दुवै टोलीबाट गोल भएन । […]

January 11, 2025

आहा! रारा पोखरा गोल्डकप – आर्मीसहित १० टोलीको सहभागिता निश्चित

पोखरा (हाम्रो खेलकुद)- सहारा क्लबले अर्को महिना आयोजना गर्ने २४ औं आहा रारा पोखरा गोल्डकपमा १० टोलीको सहभागिता निश्चित भएको छ। जयश्री फुड्स प्रालिले सह प्रायोजकको रुपमा आहा रारा पोखरा गोल्डकपसँग सम्झौता गर्न शनिवार आयोजित कार्यक्रममा सहभागिता निश्चित भएका १० टोलीको नाम सार्वजनिक गरिएको छ। आहा रारामा यस पटक सहभागी हुनेमा साविक विजेता त्रिभुवन आर्मी […]

Success

Thank you for your time.