7 years ago
October 18, 2017
बेथानचोक/काभ्रे (हाम्रो खेलकुद)– पनौतीको कालीदेवी ब्वाइज क्लबले खुला सेभेन ए साइड फुटबल प्रतियोगिताको उपाधि जितेको छ । बेथानचोक वडा नं ४ को सिरानचौर तिप्चोक डाँडामा आज भएको फाइनलमा पनौती फुटबल एकेडेमीलाई ६–२ ले हराउँदै कालीदेवीले उपाधि जितेको हो ।
कालीदेवी उपाधिसहित २० हजार तथा पनौतीले १० हजार रुपैयाँ प्राप्त गरेको छ । पनौतीका विकास लामा प्रतियोगिताको उत्कृष्ट खेलाडी र विजेता कालीदेवीका विकेश शाह उत्कृष्ट गोलकिपर घोषित भए ।
त्यसअघि हिजो भएको सेमिफाइनलमा कालीदेवीले सरस्वती क्लब निलोलाई ४–० र पनौतिले सरस्वती रातोलाई टाइब्रेकरमा ५–४ ले हराउँदै एकअर्कासँगको भेट पक्का गरेका थिए । बेथानचोक ४ तिप्चोकस्थित श्री भूमिमाता युवा क्लबको आयोजना असोज २५ गते देखि सुरु भएको प्रतियोगितामा पनौती नगरपालिकाका १४ र बेथानचोकका ९ गरि २३ टोलीको सहभागिता रहेको थियो ।
बेथानचोक गाँउपालिकका अध्यक्ष प्रेमबहादुर तिमल्सिना, उपाध्यक्ष सरिता लामिछाने, बेथानचोक वडा नं ४ का अध्यक्ष लालबहादुर श्रेष्ठले विजेता, उपविजेता टोलीका खेलाडीलाई पुरस्कृत गरेका थिए । गाँउपालिका अध्यक्ष तिमल्सिनाले हरेक वडामा कम्तीमा एउटा खेल मैदान निर्माण गर्न गाँउपालिकाकाले पहल गर्ने बताए ।
वडा अध्यक्ष श्रेष्ठले खेलकुद विकासमा वडा समितिले सक्दो सहयोग गर्ने वचन दिए । आयोजक क्लबका अध्यक्ष समिर तामाङले हरेक वर्ष प्रतियोगिता आयोजना गर्ने योजना रहेको सुनाए । प्रतियोगिताका संयोजक युगेश तामाङले गाँउपालिका र वडाको सहयोग रहेमा वडामा खेलकुद विकास गर्न सकिने बताए ।
November 16, 2024
एजेन्सी – दक्षिण अमेरिकी विश्वकप छनोटमा शनिवार उरुग्वेले कोलम्बियालाई ३- २ हराएको छ। उरुग्वेको जित दिलाउन म्यानुएल उगारटेले इन्ज्युरी समयको ११ औं मिनेटमा निर्णायक गोल गरे । खेलमा अग्रता पनि कोलम्बियाले नै लिएको थियो । जुवान फर्नान्डो क्विन्टेरोले ३१ औं मिनेटमा पहिलो गोल गरे । त्यसपछि ५७ औं मिनेटमा डाभिन्सन सान्चेजले आत्मघाती गोल गरेपछि खेलमा १-१ को बराबरी […]
November 16, 2024
एजेन्सी – क्रिस्टियानो रोनाल्डोको २ गोलसँगै पोर्चुगल फराकिलो जितका साथ नेसन्स लिग फुटबलको क्वार्टरफाइनलमा स्थान पक्का गरेको छ । अपराजित रहँदै क्वाटरफाइनल पुगेको पोर्चुगलले शुक्रवार पोल्यान्डलाई ५-१ ले हरायो । मैदानमा भएको खेलमा पोर्चुगलको जितमा रोनाल्डोबाहेक राफेल लेओ, ब्रुनो फर्नान्डेज र पेड्रो नेटोले गोल गरे । पोर्चुगल लिग ए को समूह १ मा ५ खेलमा […]
November 15, 2024
एजेन्सी – इंग्ल्यान्ड र आयरल्याण्डले नेसन्स लिगमा बिहीवार विजयी छन् । लिग बी समूह २ को खेलमा इंग्ल्यान्डले ग्रिसलाई ३-० ले हरायो । ओली वाट्किन्सले सातौं मिनेटमा गोल गर्दै इङ्ग्ल्यान्डलाई अग्रता दिलाए। ७७ औं मिनेटमा ग्रिसका गोलकिपर ओडेसेस भ्लाचोडिमोसको आत्मघाती गोलमा इङ्ग्ल्यान्डको अग्रता दोब्बर भयो। कर्टस जोन्सले ८३ औं मिनेटमा गोल गरेपछि इङ्ग्ल्यान्डको जित सहज […]