बारिसा (एजेन्सी) – युरोपा लिगको समूह एचमा आर्सनलले गए राति बेलारुसी च्याम्पियन बेट बोरिसोभलाई ४-२ ले हराएको थियो । आर्सनलको जितमा थियो वाल्कटले दुई गोल गरे भने ओलिभियर जिरु र रब होल्डिङले एकएक गोल गरेका थिए ।

खेलको नवौँ मिनेटमा आर्सनलका मिडफिल्डर ज्याक विल्शेरको पासमा थियो वाल्कटले गोलको खाता खोलेका थिए । त्यस्तै २२ औँ मिनेटमा
बेटका गोलरक्षकको गलत पासको सदुपयोग गरेका वाल्कटले फेरि गोल गर्दै आर्सनलको अग्रता दोब्बर बनाउन सफल भए ।

वाल्कटको गोलको तीन मिनेटमै आर्सनलले स्कोर ३-० बनाएको थियो । कर्नरमा पर मर्टिस्याकरले पास गरेका बललाई युवा खेलाडी होल्डिङले पोस्टको दिशा दिँदै आर्सनलका लागि आफ्नो पहिलो गोल गरे । तर बेटका स्टार खेलाडी मिर्को इभानिचले २८ औँ मिनेटमा हेडरमार्फत खेल ३-१ बनाएका थिए ।

पहिलो हाफमा चार गोल भएको त्यस खेलमा दोस्रो हाफमा थप दुई गोल भयो । ४९ औँ मिनेटमा स्कोड्रान मुस्ताफिलाई लडाइँदा आर्सनलले पेनाल्टी पाएको थियो । सो पेनाल्टीलाई आर्सनलका फरवार्ड जिरुले गोलमा परिणत गर्दै आर्सनलका लागि आफ्नो १०० औँ गोल पुरा गरे । जिरु त्यस गोलसँगै आर्सनलका लागि १०० औँ गोल गर्ने १९ औँ खेलाडि बने ।

६७ औँ मिनेटमा मिखाइल गोर्डेचुकको बलियो प्रहारमार्फत बेटले खेलको आफ्नो दोस्रो गोल हात पार्दै खेल ४-२ बनाएका थिए । यस जितसँगै २ खेलमा ६ अंक बटुलेको आर्सनल समूह एचको पहिलो स्थानमा उक्लेको छ । समूहको अर्को खेलमा ज्भेजडाले कोलोनलाई १-० ले हराएको थियो ।

युरोपा लिगको अन्य खेलहरुको नतिजा –

भिक्टोरिया प्लेजेन ३-१ हापोएल

लुगानो १-२ एफसिएसबि

कोलोन ०-१ ज्भेजडा

कोन्यास्पोर २-१ गुइमारेस

साल्जबर्ग १-० मार्से

एथ्लेटिको बिल्बाओ ०-१ जोर्या

ओस्टरसन्ड्स १-० हेर्था बर्लिन

आस्टाना १-१ स्लाभिया प्राग

माकाबि तेल अभिभ् ०-० भियारियल

लोकोमोटिभ मस्को ३-० ज्लिन

शेरिफ ०-० कोपनहेगेन

रोजनबर्ग ३-१ एफके भारडार

जेनिट सेन्ट पिटर्सबर्ग ३-१ रियल सोसिएडाड

लाजियो २-० जुल्टे वारेगेम

निस ३-० भिटेस

लियोन १-१ एटलान्टा

एभर्टन २-२ एप्पोल्लोन लिमास्सोल

ब्रागा २-१ इस्तानाबुल बासाक्सेहिर

लुडोगोरेट्स २-१ होफनह्याम

पार्टिजान बेलग्रेड २-३ डायनामो कियभ

स्केन्डरबेउ १-१ योङ बोयज

एथेन्स २-२ अष्ट्रिया