मस्को (एजेन्सी) – च्याम्पियन्स लिग समूह ई अन्तर्गत स्पार्टाक मस्को लिभरपुलसँग भिड्दै छ । दुवै टोलीले आफ्नो पहिलो खेलमा बराबरी खेलेका थिए ।

लिभरपुलका जो गोमेज सेभिल्लासँग रातो कार्ड पाएकाले यस खेलमा प्रतिबन्धित छन् । त्यस्तै गोलकिपरमा लिभरपुलका लागी लोरिस केरियसले सुरुआत गर्ने छन् । मस्कोका लागि जानो आनानिड्जे घाइते भएका कारण खेल्ने छैनन् भने घाइते रहेका कुइन्सी प्रोमेस भने टोलीमा फर्कँदै छन् ।

त्यस्तै प्रिमियर लिगमा राम्रो सुरुआत गरेको म्यानचेस्टर सिटी शाख्तार डोनेस्कसँग भिड्दै छ । सिटीका लागि बेन्जामिन मेन्डि र भिन्सेन्ट कम्पनी खेल्न अनिश्चित छन् । शाख्तारका कप्तान डारिजो सर्ना पनि घाइते रहेका छन् । सिटी र शाख्तार दुवैले समूह एफको आफ्नो पहिलो खेलमा जित दर्ता गरेका थिए ।

अर्को प्रिमियर लिग टोली टोटनह्याम हटस्पर भने समूह एचमा अपोएल निकोसियाको सामना गर्दै छ । टोटनह्यामले आफ्नो पहिलो खेलमा बोरुसिया डर्टमन्डलाई ३–१ ले हराएको थियो भने एपोएल रियल म्याड्रिडसँग ३–० ले हारेको थियो । टोटनह्यामका लागि डेले अल्लि र जान भेर्टोनघेन प्रतिबन्धित छन् भने क्रिस्टियन एरिक्सन घाइते रहेका छन् ।

च्याम्पियन्स लिगमा आजका अन्य खेलहरु

समूह ई : सेभिल्ला विरुद्ध मेरिबोर

समूह एफ : नेपोली विरुद्ध फेयेनूर्ड

समूह जी : बेसिक्टास विरुद्ध आरबी लेपजिग, मोनाको विरुद्ध पोर्टो

(सबै खेलहरु आज १२.३० बजे सुरु हुने छन् ।)