काठमाडौं (हाम्रो खेलकुद)– एएफसी सोलिडारिटी कप जितेको झन्डै एक बर्षपछि विजेता टोलीलाई अखिल नेपाल फुटबल संघ (एन्फा) ले आज नगद पुरस्कार वितरण गर्ने भएको छ ।

विजेता टोलीका प्रत्येक सदस्यलाई ३ लाख रुपैयाँ दिने एन्फाले त्यति बेला नै घोषणा गरेको थियो । गत वर्ष कार्तिकमा मलेसियाको कुचिङमा भएको सोलिडारिटी कपको फाइनलमा मकाउलाई १–० ले हराउँदै नेपाल च्याम्पियन बनेको थियो । फाइनलमा सुजल श्रेष्ठले गोल गरेका थिए ।

प्रतियोगितामा सात राष्ट्रको सहभागिता थियो । एसियाली फुटबल महासंघ (एएफसी) को आधिकारिक प्रतियोगिता नेपालले जितेको त्यो पहिलो पटक थियो । त्यहि सफलताले नेपाललाई एसियन कप छनोटमा पुनः खेल्ने मौका पाएको थियो ।

ग्वामले छनोट बाट नाम फिर्ता लिएपछि त्यो ठाँउमा एएफसीले नेपाललाई मौका दिएको थियो । अहिले नेपाल एसियन कप छनोट चरणमो पुछारमा रहेको छ । अहिले सम्मका तीन खेलमा २ खेल गुमाएको नेपालले यमनसँग बराबरी गरेको थियो ।

सोलिडारिटी कपमा नेपाली टोली

गोलकिपर – विकेश कुथु, किरण लिम्बु, विशाल श्रेष्ठ
रक्षक – रविन श्रेष्ठ, विराज महर्जन, विराज महर्जन, अनन्त तामाङ, दीपक गुरुङ, आदित्य चौधरी, कमल श्रेष्ठ , देवेन्द्र तामाङ, रञ्जित धिमाल
मिडफिल्ड – विशाल राई, हेमन गुरुङ, विक्रम लामा,अन्जन विष्ट, सुजल श्रेष्ठ, राजेन्द्र रावल
फरवार्ड – विमल घर्तीमगर,रञ्जन विष्ट, अनिल गुरुङ,सुमन लामा, नवयुग श्रेष्ठ, भरत खवास
प्रमुख प्रशिक्षक – ग्योटुकु कोजी
प्रशिक्षक – राजु शाक्य
गोलकिपर प्रशिक्षक – उज्वल मानन्धर
व्यवस्थापक – विराटजंग शाही