काकरभिट्टा झापा एकेडेमी फुटबलको उपाधि नजिक

भद्रपुर (हाम्रो खेलकुद)– काकरभिट्टा टे«निङ सेन्टर झापा जिल्ला एकेडेमी स्तरीय फुटबल प्रतियोगिताको फाइनलमा पुगेको छ । सैनिक युवा क्लबलाई आज ३–१ ले हराउँदै काकरभिट्टा उपाधि नजिक पुगेको हो ।

विजयी टोलीका लागि मिलन राईले २ र अर्को गोल योगेश गुरुङले गरे । पराजित टोलीका लागि गणेश हेमरानले गोल गरेका थिए । काकरभिट्टाले बुधबार हुने फाइनलमा केर्खा स्टार फुटबल एकेडेमीको सामना गर्नेछ । आइतबार एपिएफ दमकलाई १–० ले हराउँदै केर्खा अन्तिम दुईमा पुगेको थियो ।

मेची रंगशालामा आजमा गणेशको गोलबाट चौथो मिनेटमा सैनिक युवाले अग्रता लिएपनि त्यससलाई जोगाउन सकेन । मिलनले १४ औं मिनेटमा बराबरी गोल फर्काका थिए । योगेशले ५४ औं मिनेटमा काकरभिट्टाका लागि गोल गरे भने मिलनले ६२ औं मिनेटमा टोलीका लागि अर्को गोल थपे । मिलन खेलको म्यान अफ दी म्याच चुनिएका थिए ।

मुनाल क्लब भद्रपुरद्धारा सञ्चालित चन्द्रगढी फुटबल एकेडेमीको आयोजनमा सञ्चालित प्रतियोगिताको विजेताले उपाधिसहित १ लाख १ हजार र दोस्रो हुने टोलीले ५१ हजार रुपैयाँ प्राप्त गर्नेछ ।