सबिन शेर्मा

झापा (हाम्रो खेलकुद)– विभागिय टोली एपिएफ प्रथम टुर्बोग दुधे गोल्ड कपको फाइनलमा पुगेको छ । युवराज खड्काको निर्णायक गोलमा अर्को ‘ए’ डिभिजन टोली हिमालयन शेर्पालाई २–१ ले हराउँदै एपिएफ उपाधि नजिक पुगेको हो । एएिफले बुधबार उपाधिका लागि चर्च ब्वाइज काठमाडौंसँग प्रतिस्पर्धा गर्नेछ ।

आज १–० ले पछि परेको खेल उल्टाउँदै एपिएफले अन्तिम दुईको यात्रा तय गरेको हो । हिमालयनले खेलको १५ औं मिनेटमा बिके लामाको गोलबाट लिएको थियो । अब्बाको पासमा बिकेको हेड विपक्षी गोलकिपरले फुत्काएपछि गोलमा परिणत भएको थियो । तर, टोलीले अग्रतालाई पहिलो हाफको अन्त्यमा गुमायो ।

पहिलो हाफको इन्जुरी समयमा हरि कार्कीले बराबरी गोल गर्दै एपिएफलाई खेलमा फर्काए । दोस्रो हाफको ३९ औं मिनेटमा युवराजले फ्रिकिकमार्फत गोल गर्दै एपिएफलाई जित दिलाए । एपिएफका श्याम नेपाली खेलको म्यान अफ दी म्याच घोषित भए । श्यामले ५ हजार रुपैयाँ प्राप्त गरे ।

झापाको शिवशताक्षी नगरपालिकाको दुधे क्लबले आयोजना गरेको प्रतियोगिताको विजेताले उपाधिसहित विजताले ३ लाख १ हजार र दोस्रो हुने टोलीले उपविजेताले १ लाख ५१ हजार रुपैयाँ प्राप्त गर्नेछन् । प्रतियोगिताका सर्वोकृष्ट खेलाडी र उच्च गोलकर्ताले जनही २५ हजार रुपैयाँ प्राप्त गर्नेछन् ।