भारत विजयी , माल्दिभ्सको प्रतियोगितामा पहिलो गोल

काठमाडौं (हाम्रो खेलकुद) – भुटानमा जारी साफ यू-१८ च्याम्पियनसिप अन्तर्गत अन्तिम खेलमा भारतले माल्दिभ्सलाई २-१ ले पराजित गरेको छ । यसअघि प्रतियोगितामा भुटान , नेपाल र बंगलादेशसँग पराजित माल्दिभ्सले गरेको यो पहिलो गोल हो ।

माल्दिभ्सले १८ औं मिनेटमा अहमेद थोलालको गोलमा अग्रता लिए पनि त्यसलाई जोगाउन सकेन । भारतका प्रिन्सटोन रेबेल्लोले ३७ औं मिनेटमा खेललाई बराबरीमा पुर्याए भने ४१ औं मिनेटमा अभिषेक हल्दारले भारतलाई अग्रता दिलाए । दोस्रो हाफमा भारतले खेल नियन्त्रणमा लिए पनि थप गोल गर्न सकेन ।

पहिलो खेलमा बंगलादेशसँग ४-३ ले पराजित भारतले दोस्रो खेलमा भुटानलाई ३-० ले पराजित गरेको थियो । भारतले अन्तिम खेलमा बुधबार नेपालको सामना गर्दै छ ।

त्यस्तै माल्दिभ्सले आयोजक भुटानसँग १-० को पराजयसँगै प्रतियोगिताको सुरुआत गरेको थियो । त्यसयता नेपाल र बंगलादेशसँग माल्दिभ्स २-० ले पराजित भएको थियो। आजको अर्को खेलमा नेपाल र बंगलादेश भिड्दै छन् ।