फ्लोरिडा (एजेन्सी)- विश्वप्रसिद्ध गेमिंग कम्पनी इलेक्ट्रोनिक आर्टस (इए) स्पोट्र्सले यस बर्षको फिफा २०१८ भिडियो गेम यहि सेप्टेम्बर २९ मा रिलिज गर्दैछ । हरेक वर्ष इएले यस गेमको नयाँ संस्करण सार्वजनिक गर्ने गरेको छ । वास्तविक खेल जस्तै भिडियो गेममा पनि फुटबल त्यतिनै लोकप्रिय रहेको छ । अघिल्लो वर्ष सर्वाधिक बिक्रि हुने इलेक्ट्रोनिक्स गेमको सूचीमा फिफा १७, ९औं स्थानमा रहेको थियो।

इएले यो वर्षको फिफामा सम्मिलित उत्कृष्ट १ सय खेलाडीको सुची पनि सार्वजनिक गरिसकेको छ । इएले यो बर्ष पनि ९४ रेटिङ सहित क्रिस्टियानो रोनाल्ड़ो नै पहिलो स्थानमा राखेको छ । लियोनल मेस्सी ९३ रेटिङ सहित दोस्रो स्थानमा छन् । नेयमार, नोयर र लुइस स्वारेज ९२ रेटिङ सहित संयुक्त रुपमा तेस्रो स्थानमा छन् ।

फिफामा गोल किपरको रेटिंग डाइभ, ह्यान्डीलीङ, पास, किक, रिफलेक्सन, स्पिड र पोजिसन क्षमताका आधारमा तय गरिन्छ। फिफाले यो बर्ष गोल किपरहरुमा सबै भन्दा उच्च रेटिंङ बायर्न म्युनिखका किपर म्यानुअल नोयरलाई दिएको छ। उनको रेटिङ ९२ रहेको छ। विश्वका फुटबलका कुनै बेलाका नम्बर १ किपर इकर कासिलास यो बर्ष टप टेन किपरमा पनि पर्न सकेनन्।

फिफामा रेटिंङका आधारमा उत्कृष्ट गोल किपरहरु यस प्रकार रहेका छन्: 

म्यानुयल नोयर (बायर्न म्युनिख)- ९२

डेविड डे गेया (म्यानचेस्टर युनाइटेड)- ९०

जियानलुईजी बुफन (युभेन्टस)- ८९

थिबाउट कोर्तुवा (चेल्सी)- ८९

हुगो लोरिस ( टोटन्ह्याम)- ८८

ओब्लाक (एटलेटीको मड्रीड)- ८८

हान्डानोभिच (इन्टर मिलान)- ८७

पिटर चेक (आर्सनल)- ८६

स्टेफन रुफियर (सेन्ट आयन)- ८५

टार स्तेगन (बार्सिलोना)- ८५