रोहितको पर्सिजा बराबरीमा रोकियो

केपान्जेन (एजेन्सी)- नेपाली फुटबल टोलीका मिडफिल्डर रोहित चन्दको क्लब पर्सिजा जाकार्ताले इन्डोनेसियाको लिग १ मा एरिमासँग १-१ को बराबरी रोकिएको छ । आज भएको खेलमा अग्रता लिएपनि त्यसलाई जोगाउन नसक्दा पर्सिजा बराबरीमा सिमित भएको हो ।

पर्सिजाले पहिलो हाफमा बामब्याङ्ग पामुङ्गकासले ३४ औं मीनेटमा अग्रता दिलाएका थिए । तर, घरेलु टोली एरिमाले खेल सकिनु १० मिनेटअघि बराबरी गोल गरेको थियो ।

अर्जेन्टिनी मिडफिल्डर एस्टेबान भिज्काराले एरिमालाई बराबरी गोल गरेका हुन् । रोहितले पुरै समय खेलेका थिए । २६ खेलमा पर्सिजा ४३ अंक सहित छैठौं स्थानमा यथावत छ भने एरिमा ४२ अंक सहित सातौँ स्थानमा छ । पहिलो स्थानको भायांगकाराको ५३ अंक छ ।