मोन्टपिलेर (एजेन्सी) – फ्रान्सेली लिग १ को शीर्ष स्थानमा रहेको पेरिस सेन्ट जर्मन (पिएसजी) आज राति मोन्टपिलेरको सामना गर्दै छ । विश्वको सबैभन्दा महँगा खेलाडी रहेका नेयमारले भने यस खेल गुमाउने छन् ।

प्रशिक्षणका क्रममा हल्का चोट लागेका कारण नेयमारलाई टोलीमा नराखिएको हो । उनीजस्तै एन्जेल डि मारिया पनि टोलीमा समेटिएका छैनन् । दुवै खेलाडी साताको मध्यमा खेलिने च्याम्पियन्स लिगमा भने फर्किने सम्भावना धेरै छ । नेयमारको स्थान लुकास माउराले लिन सक्ने छन् ।

त्यस्तै जियोभानी सियो मोन्टपिलेरका लागि खेल्न प्रतिबन्धित छन् । गत साता सुरुवात गरेका स्टेफान सेसेन्योन र जेरोम रोसिलोन फेरी पनि टोलीमा स्थान बनाउन सफल हुन सक्लान् । पछील्लो खेलमा मोन्टपिलेरले ट्रोएसलाई १-० ले हराएको थियो ।

पिएसजीले पाहुना टोलीका रुपमा घरेलु लिगका पछिल्ला १२ मध्ये ११ मा जित हांसिल गरेको छ । त्यस्तै पिएसजीको मोन्टपिलेर विरुद्ध रेकर्ड पनि राम्रो छ । मोन्टपिलेरसँग खेलिएका पछिल्ला ८ मध्ये ६ मा उसले गोल खाएको छैन ।

पिएसजीले लिगका सबै ६ खेल जित्दै १८ अंक बटुलेको छ भने तालिकाको १२ औँ स्थानमा रहेको मोन्टपिलेरको केवल ७ अंक रहेको छ ।
खेल नेपाली समय अनुसार साँझको ८.४५ बजे सुरु हुने छ ।

लिग १ मा खेलिने अन्य खेलहरु :

मेट्ज विरुद्ध ट्रोयस – ११.४५ बजे

लियोन विरुद्ध डिजोन – ११.४५ बजे

बोर्डो विरुद्ध गुइनग्याम्प – ११.४५ बजे

कायन विरुद्ध एमियन्स – ११.४५ बजे