जुरिच (एजेन्सी) – विश्व फुटबलको सर्वाेच्च निकाय (फिफा) ले यस वर्षको फिफा वर्ष खेलाडीको लागि अन्तिम तीन जनाको नाम सार्वजनिक गरेका छन् । फिफा मुख्यालय जुरिचमा शुक्रबार सार्वजनिक गरिएको वर्ष खेलाडीमा पोर्चुगल तथा रियल म्याड्रिडका फरवार्ड क्रिष्टियानो रोनाल्डो, अर्जेन्टिना तथा बार्सिलोनाका लियोनेल मेस्सी र ब्राजिल तथा पिएसजीका नेयमार अन्तिम तीनको सुचीमा परेका छन् ।

फिफा वर्ष खेलाडीको घोषणा लण्डनमा अक्टोवर २३ तारिखमा हुदैछ । यस्तै फिफा वर्ष प्रशिक्षकको लागि युभेन्टसका मासिमिलियानो एलेग्री, रियाल म्याड्रिडका जिनेदिन जिदान र चेल्सीका एन्टेनियो कोन्टेबीच प्रतिस्पर्धा हुनेछ ।

यस्तै फिफा महिला वर्ष खेलाडीको लागि डियाना कास्टेलानोस्, क्यार्ली लोलोयड र लिक्की मार्टिन अन्तिम तीनमा परेकी छन् । महिला प्रशिक्षकमा निलिस निल्सेन, जेरार्ड प्रिचियर र सरिना विगम्यान अन्तिम सुचीमा पर्न सफल भएकी छन् ।

उत्कृष्ट गोलरक्षकमा इटाली तथा युभेन्टसको जियानलुजी बुफोन, कोष्टारिका रियाल म्याड्रिडका केलर नाभास र जर्मन तथा बायर्न म्युनिखका म्यानुयल निउर अन्तिम तीनको सुचीमा परेका छन् ।

यस्तै केभिन प्रिन्स बोयटिङ, एलेजान्द्रो कामार्गाे, डियाना कास्टेलानोस, मोउसा डिम्वेले, ओलिभर जिरउड, एभिलेस हुरटाडो, मारियो म्यानजुकिक, ओस्कारिनी मासुलुके, निमान्जा मेटिक र जोर्डी एम्बौलाले फिफा पुस्कार अवार्ड जितेका छन् ।