झापा (हाम्रो खेलकुद)– उपाधिको दाबेदार मानिएको त्रिभुवन आर्मी क्लबलाई स्तब्ध पार्दै मोरङ ११ टुबोर्ग दुधे गोल्ड कपको सेमिफाइनलमा पुगेको छ । विभागिय टोलीलाई टाइब्रेकरमा ४–२ ले निराश पार्दै मोरङ अघि बढेको हो । निर्धारित समय गोलरहित बराबरीमा टुंगिएपछि खेल टाइब्रेकरमा भएको थियो । मोरङले अब सेमिफाइनलमा चर्च ब्वाइज युनाइटेडसँग प्रतिस्पर्धा गर्नेछ ।

मोरङका कप्तान दीपक राई, विक्रम लिम्बु, मिक्चेन तामाङ र सुनिल खड्काले गोल गरे । आर्मीका पदम तामाङ र हिरण्य मगरले मात्र गोल गर्न सके । युद्ध शाही र दीपक गुरुङको प्रहारलाई मोरङका गोलकिपर सूर्य क्षेत्रीले रोकेका थिए । सूर्य नै खेलको म्यान अफ दी म्याच घोषित भए । प्रतियोगितामा भोली अन्तिम क्वार्टरफानलमा रुपन्देही ११ र एपिएफ क्लबबीच प्रतिस्पर्धा हुनेछ ।

झापाको शिवशताक्षी नगरपालिकाको दुधे क्लबले आयोजना गरेको प्रतियोगिताको विजेताले उपाधिसहित विजताले ३ लाख १ हजार र दोस्रो हुने टोलीले उपविजेताले १ लाख ५१ हजार रुपैयाँ प्राप्त गर्नेछन् । प्रतियोगिताका सर्वोकृष्ट खेलाडी र उच्च गोलकर्ताले जनही २५ हजार रुपैयाँ प्राप्त गर्नेछन् ।

दुधे गोल्ड कपमा शनिबारको खेल
एपिएफविरुद्ध रुपन्देही ११