प्रथम किसुनजी स्मृति कप भेट्रान फुटबल : जावलाखेल र हिमालयन शेर्पा भिड्ने

काठमाडौं (हाम्रो खेलकुद) – प्रथम किसुनजी स्मृति कप भेट्रान फुटबल प्रतियोगिताको सेमिफाइनल समिकरण पुरा भएको छ । सदाबहार खेलकुद समाजले आयोजना गरेको प्रतियोगिताको सेमिफाइनलमा जावलाखेल र हिमालयन शेर्पा तथा चाबहिल र सामाखुसीबीच प्रतिस्पर्धा हुने भएको छ ।

बुधबारको खेलमा चाबहिल एजेले सिन्धु स्पोर्टलाई ९–० ले हरायो । चाबहिलका लागि सन्तोष नेपालीले दोहोरो ह्याट्रिक गरे भन आकाश गुरुङले पनि ह्याट्रिक पुरा गरे ।

काठमाडौं जिल्ला खेलकुद विकास समितिका उपाध्यक्ष एवंम आयोजक समितिका अध्यक्ष बद्री भट्टराईले चाबहिलका आकाश गुरुङलाई म्यान अफ दी म्याच घोषित भएकोमा जर्सी प्रदान गरे । बुढानिलकण्ठ नगरपालिकाको कपन ह्यान्डबल मैदानमा जारी प्रतियोगिताको फाइनल शनिबार हुनेछ ।