7 years ago
September 20, 2017
काठमाडौं (हाम्रो खेलकुद)– झन्डै डेढ बर्षपछि नेपालमा आयोजना हुने १३ औं दक्षिण एसियाली खेलकुद (साग) मा समावेश गरिने २५ खेलको टुंगो लागेको छ । तुर्कमिनिस्तानको अस्वाबतमा जारी पाँचौं एसियाली इन्डोर तथा मार्सल आर्टस् खेलकुदको अवसर पारेर मंगलबार भएको दक्षिण एसियाली ओलम्पिक काउन्सिल (एसओएसी) को बैठकले २५ खेलको टुंगो लगाएको हो ।
एसओएसीको तुर्कमिनिस्तामा बसेको बैठकका सहभागी । तस्बिर सौजन्य- एनओसी महासचिव लामा टेन्डी शेर्पा ।
२८ खेलबाट २५ खेल छनोट गरिएको हो । एसओसी बैठककले कराते, गल्फ, फेन्सिङ र गल्फसहित २५ खेल समावेश गर्ने निर्णय गरेको छ । नेपाल ओलम्पिक कमिटीका समेत अध्यक्ष रहेका जीवनराम श्रेष्ठको अध्यक्षतामा बसेको एसओसी बैठकले यो निर्णय लिएको हो । आयोजकका तर्फबाट थप्न पाउने दुई खेलमा नेपालले पदकको सम्भावना भएको कराते र गल्फ समावेश गराएको छ ।
१२ औं सागमा समावेश सेपाकताक्रो र हक्की भने हटाइएको छ । हक्कीका लागि नेपालमा एस्ट्रो टर्फ नभएकाले समावेश नगरिएको र पूर्वाधार निर्माण गर्न सके सागमा थप्न सक्ने सहमती बैठकमा भएको एनओसी अध्यक्ष श्रेष्ठलाई उदृत गर्दै आज नागरिक दैनिकमा अजय फुयालले लेखेका छन् ।
सन् २०१९ को मार्चमा नेपालमा हुने १३ औं सागमा आर्चरी, एथलेटिक्स, ब्याडमिन्टन, बास्केबल, बक्सिङ, फेन्सिङ,फुटबल, गल्फ, ह्यान्डबल, जुडो, कबड्डी, कराते, खोखो, सुटि ङ, स्क्वास, पौडी, टेबल टेनिस, तेक्वान्दो, टेनिस, ट्रायथलन, भलिबल, भारोत्तोलन, कुस्ती, उसु र साइक्लिङ ।
एनओएसीको अर्को बैठक जनवरीमा काठमाडौंमा बस्ने भएको छ । त्यो बैठकले एनओएसीको मुख्यालय, विधान संसोधन लगायतका विषयमा टुंगो लगाउने बताइएको छ । बैठकमा दक्षिण एसियाका सात राष्ट्रका ओलम्पिक प्रतिनिधि, एनओसी महासचिव लामा टेन्डी शेर्पा, कोषाध्यक्ष रतन तण्डन र अतिथिका रुपमा राष्ट्रिय खेलकुद परिषद्का सदस्य सचिव केशवकुमार विष्ट सहभागी थिए ।
१३ औं सागमा समावेश गरिने खेल
आर्चरी, एथलेटिक्स, ब्याडमिन्टन, बास्केबल, बक्सिङ, फेन्सिङ,फुटबल, गल्फ, ह्यान्डबल, जुडो, कबड्डी, कराते, खोखो, सुटि ङ, स्क्वास, पौडी, टेबल टेनिस, तेक्वान्दो, टेनिस, ट्रायथलन, भलिबल, भारोत्तोलन, कुस्ती, उसु र साइक्लिङ ।
November 17, 2024
काठमाडौं(हाम्रो खेलकुद) – कप्तान धर्वेन्द्र कुँवरको ह्याट्रिकको सहयोगमा जावलाखेल युथ क्लबले ललित स्मृति एन्फा यु १८ युथ लिगमा सहज जित दर्ता गरेको छ । सातदोबाटोस्थित अखिल नेपाल फुटबल संघ (एन्फा) कम्प्लेक्समा आइतवार जावलाखेलले सातदोबाटो युथ क्लबविरुद्ध ४-१ को जित हासिल गरेको हो । जावलाखेलका लागि अर्को गोल प्रशान्त तामाङले गरे । सातदोबाटोका लागि निसप्रकाश बरालले […]
November 17, 2024
एजेन्सी – जर्मनी र नेदरल्यान्ड्सले युइएफए नेसन्स लिगमा सानदार जित निकालेका छन् । लिग ए ग्रुप ३ को पाँचौं चरणको खेलमा जर्मनीले तुलनात्मक रुपमा कमजोर बोस्निया एण्ड हर्जगोभिनामाथि ७–० को एकपक्षीय जित निकालेको हो । घरेलु मैदानमा भएको खेलमा जर्मनीको फराकिलो जितमा फ्लोरिएन रिट्ज र टिम क्लाइनडिस्टले समान २ तथा जमल मुसिएला, काई हाभर्टज र […]
November 16, 2024
काठमाडौं (हाम्रो खेलकुद) – फरवार्ड जिलेस्पी जंग कार्की र रोहित चन्दको गोलमा नेपालले अन्तर्राष्ट्रिय मैत्रीपूर्ण खेलमा अफगानिस्तानलाई पराजित गरेको छ । ताजिकिस्तानको दुशान्बेमा भएको खेलमा नेपालले २-० को जित दर्ता गरेको हो । खेलको पहिलो हाफ गोलरहित बराबरीमा सकिएको थियो । दोस्रो हाफको सुरुवातमै जिलेस्पीले गोल गर्दै नेपाललाई अग्रता दिलाए । नेपालले अग्रता लिएपछि रक्षात्मक […]
