काठमाडौं (हाम्रो खेलकुद) – अखिल नेपाल फुटबल संघ (एन्फा) ले सन् २०१८ मा मलेसियामा हुने एएफसी यू–१६ च्याम्पियनसिप छनोट खेलको लागि नेपालीटोलीको घोषणा गरेको छ । एन्फाले सोमबार रोशन रानामगरको कप्तानीमा २३ सदस्यीय टिमको घोषणा गरेको हो ।

एएफसी च्याम्पियनसिप अन्र्तगत समूह ‘डी’ को खेल नेपालले आयोजना जिम्मेवारी पाएको छ । छनोटका खेलहरु बुधबारबाट शुरु हुनेछ । च्याम्पियनसिपका सबै खेलहरु हल्चोकस्थित नेपाल एपिएफ क्लबको खेल मैदानमा हुनेछ ।

नेपालले बुधबार समूह चरणको पहिलो खेलमा नेपालले इराकसँग खेल्दै प्रतियोगिताको शुरुवात गर्नेछ । यस्तै नेपालले दोस्रो खेलमा शुक्रबार साफ यू–१६ च्याम्पियन भारतको तथा समूह चरणको अन्तिम खलेमा प्यालेष्टाइनसँग खेल्नेछ ।

एसियाका ४५ देशले सहभागिता जनाएको यस छनोट खेलबाट १६ टोली मलेसियामा हुने एएफसी यू–१६ च्याम्पियनसिपको लागि छनोट हुनेछ । एसियाका ४५ देशलाई १० समूहमा विभाजन गरिएको छ । हरेक समूहका शीर्ष टोली स्वत छनोट हुनेछ भने, ६ वटा उत्कृष्ट समूह उपविजेता पनि च्याम्पियनसिपको लागि छानिनेछ ।

नेपाल एक महिना अघि नेपालमै भएको साफ यू–१६ च्याम्पियनसिपमा दोस्रो भएके थियो । फाइनलमा नेपाल भारतसँग पराजित भएको थियो ।

नेपाली टोली

१. रोशन रानामगर (कप्तान)
२. रञ्जन पुन (उपकप्तान)
३ विशाल सुनार
४.सिदार्थ थापामगर
५. रोहित कार्की
६. रोशन दोङ
७. रनदिप पौडेल
८. दीपक भण्डारा
९. असिम गुरुङ
१०. सुवास कार्की
११. सञ्जीव अर्याल
१२. पूकार खड्का
१३. शेरव लो तामाङ
१४. सौगता खवास
१५. सञ्जु श्रेष्ठ
१६. कार्लाेस बखारिया
१७. अशोक किङरिङ मगर
१८. एञ्जल महर्जन
१९. दर्शन गुरुङ
२०. अभिषेक श्रेष्ठ
२१. ब्रिजेश चौधरी
२२. आकाश बुढामगर
२३. निशान रावल

प्रशिक्षकः सुनिल कुमार श्रेष्ठ, सहायक प्रशिक्षकः सन्जोक श्रेष्ठ, गोलरक्षक प्रशिक्षकः बिकास मल्ल, प्रशिक्षकः नवीन महर्जन, टिम म्यानेजरः रविन्द्र जोशी, अफिसियलः अच्युत राज घिमिरे, प्राविधिक निर्देशकः तोकेदा चियाकी, फिजियोः सुमित श्रेष्ठ