भद्रपुर (हाम्रो खेलकुद)– मुनाल क्लब भद्रपुरले सञ्चालन गरेको चन्द्रगढी फुटबल एकेडेमीको आयोजनामा झापा जिल्ला एकेडेमी स्तरीय नकआउट फुटबल प्रतियोगिता सोमबार सुरु हुँदैछ । पहिलो खेल दमक फुटबल एकेडेमी र सैनिक युवा क्लबबीच हुने प्रतियोगिता संयोजक युगल किशोर राईले जानकारी दिएका छन् ।

झापा जिल्ला एकेडेमी स्तरीय नकआउट फुटबल प्रतियोगिता हुने मेची रंगशाला ।

झापा जिल्लामा रहेको एकेडेमीमा प्रशिक्षण गरिरहेका खेलाडीबीचको प्रतिस्पर्धाले स्तरीय खेलाडी उत्पदान गर्न मद्दत पुगोस् भन्ने उद्देश्यका साथ प्रतियोगिता आयोजना गर्न लागिएको पूर्व राष्ट्रिय खेलाडी समेत रहेका राईले बताए । असोज ११ गतेसम्म मेची रंगशालामा हुने प्रतियोगिताबाट बचत हुने रकम चन्द्रगढी एकेडेमीका खेलाडीको स्तरबृद्धिका लागि खर्च गरिने प्रतियोगिता बताइएको छ ।

अर्को वर्षदेखि एकेडेमी स्तरीय प्रतियोगितालाई होम एन्ड अवे लिगका आधारमा सञ्चालन गर्ने क्लबको योजना रहेको छ । यसपटकको प्रतियोगिताका काकरभिट्टा, विर्तामोड, सैनिक, केर्खा, दमक, जलथल, मंगलबारे, एपिएफ दमक र आयोजक चन्द्रगढी फुटबल एकेडेमीले प्रतिस्पर्धा गर्नेछन् । झन्डै १० लाख रुपैयाँ खर्च हुने अनुमान गरिएको प्रतियोगिताको विजेता टोलीले १ लाख १ हजार, दोस्रो हुने टोलीले ५१ हजार रुपैयाँ प्राप्त गर्नेछ ।

खेल तालिका