लिस्नु झरना रनिङ शिल्डको सेमिफाइनलमा

दिपक न्यौपाने

बुटवल – लिस्नु युवा क्लब ३१ औ संस्करणको झरना रनिङ शिल्ड फुटबल प्रतियोगिताको सेमिफाइनलमा पुगेको छ । केरवानी स्पोर्टिङ क्लबलाई २–० ले हराउँदै लिस्नु रुपन्देहीको कुन्जलापुरमा जारी प्रतियोगिताको अन्तिम चारमा पुगेको हो ।

खेलमा केरवानीका आशिष गाहा म्यान अफ दी म्याच घोषित भए । प्रतियोगितामा भोली न्यू राइज बबनी र युनाइटेड कपिलबस्तुबीच प्रतिस्पर्धा हुने आयोजक झरना क्लबका अध्यक्ष लोक पुनले हाम्रो खेलकुद डट कमलाई जानकारी दिए ।

असोज ६ गतेसम्म सन्चालन हुने प्रतियोगितामा हिजो आयोजक झरनाले अन्तिम चारमा स्थान सुरक्षित गरेको थियो । १६ टोलीको सहभागिता रहेको प्रतियिोगिता उमानी माविको मैदानमा सञ्चाल भइरहेको छ ।