पोखरा (हाम्रो खेलकुद) – रेडियो तथा टेलिभिजनकर्मी सुरज श्रेष्ठ सहारा खेलकुद पत्रकारिता पुरस्कार २०७३ बाट सम्मानित भएका छन् । सहाराको १९ औं बार्षिकत्सव र १० औं अधिवेशनको अवसरमा शुक्रबार श्रेष्ठलाई पुरस्कृत गरिएको हो । सहाराले विगत ११ बर्ष देखि निरन्तर रुपमा खेलकुद पत्रकारिता पुरस्कार दिदै आएको छ ।

युवा तथा खेलकुद मन्त्रालयका सचिव महेश प्रसाद दाहाल, क्लबका संस्थापक अध्यक्ष वसन्त थकाली, सल्लाहकार प्रकाश शेरचन, क्लवका अध्यक्ष विरभद्र आचार्यले ताम्रपत्र सहित दोसल्ला, फुल माला तथा खादा लगायर श्रेष्ठ सम्मान गरेका हुन । पुरस्कारको राशी नगद १५ हजार ५ सय ५५ रहेको छ । श्रेष्ठले पुरस्कार राशीमा ४ हजार ४ सय ४५ रुपैया थप गरी २० हजार सहारा एकेडेमीको लागि आर्थिक सहयोग गर्ने उद्घोष गरे । पुरस्कृत श्रेष्ठले सम्मानले आफुलाई अझ बढी खेल पत्रकारितामा जिम्मेवारी बढेको बताए ।

बन्दिपुर १ डुम्रेका स्थायी बासिन्दा श्रेष्ठ पोखरा सितलादेवि बस्दै आएका छन् । उनी पोखरा एफ एम र पोखरा टेलिभिजनमा आवद्ध छन् । उनी दशक देखि पत्रकारितमा सक्रिय छन् । प्रतिभा छनौट समितिमा संयोजक नारायण कार्कीले सम्मानित व्यक्तिको चर्चा गर्दै खेलकुद पत्रकारिता पुरस्कारले खेलकुद क्षेत्रमा कलम चलाउने पत्रकारलाई पुरस्कारले थप हौसला बढ्ने गरेको बताए ।

२०६३ सालमा स्थापित सहारा खेलकुद पत्रकारिता पुरस्कारबाट हालसम्म कुलचन्द्र न्यौपाने, २०६४ धन बस्नेत, २०६५ विनोद लामिछाने, २०६६ प्रेम नारायण न्यौपाने, २०६७ राम गुरुङ्ग, २०६८ दीननाथ बराल, २०६९ प्रदिप पौडेल, २०७० एकराज गिरी, २०७१ सागरराज तिमिल्सिना, २०७२ मा कृष्णमणि बराल र २०७३ मा एम बि आस्था मगर यो पुरस्कार प्राप्त गरिसकेका छन् ।